Áskerı tártipti álsiretýge bolmaıdy

Qalyptasqan sanıtarlyq-epı­demııa­lyq jaǵdaıǵa sáıkes, jańa oqý jylyna daıyndyq kezeńine sheteldik issaparlardy barynsha azaıtýǵa, jıyn, sport jáne oıyn-saýyq is-sharalaryn ótkizýdi shekteýge nusqaý berildi. Al keńester ótkizý, qorytyndy shyǵarý úshin onlaın formatty, qashyqtan jumys isteý tártibin paıdalaný qajet.

Daıyndyq kezeńi barysynda qarashanyń alǵashqy onkúndiginde Qarýly Kúshter túrleriniń bar­lyq qolbasshylary baǵynysty áskerlermen oqý jylyndaǵy qyz­metiniń qorytyndylaryn shyǵarýǵa jáne jaýyngerlik saıystyń je­ńim­­pazdaryn anyqtaý úshin óz ma­mandyqtaryndaǵy úzdik ás­kerı qyzmetshilerdi usynýǵa tıis. Qa­ra­shanyń ekinshi jartysyn­da Qor­ǵanys mınıstrliginiń alqa otyrysyn ótkizý josparlanyp otyr. Onda áskerdiń tynys-tirshiliginiń negizgi máseleleri – jaýyngerlik daıarlyq, áskerı tártiptiń jaı-kúıi, materıaldyq-tehnıkalyq qam­tamasyz etý, sybaılas jemqor­lyqqa qarsy zańnamany saqtaý boıynsha qorytyndylar shyǵarylady.

Parlament Májilisi jáne más­­lıhat depýtattary saılaýy­na baılanysty jergilikti atqa­rý­­­shy organdarmen ózara is-qı­myl jasaı otyryp, áskerı bólim­derde saılaý ýchaskelerin qurý jos­­­parlanǵan. Barlyq sanattaǵy ás­kerı qyzmetshilermen saılaýdyń mem­leketti odan ári damytý úshin mańyzy týraly túsindirý jumys­tary uıymdastyryldy.

Bul rette, jaýyngerlik ázirlik pen áskerı tártip deńgeıin tómendetýge jol bermeýge nazar aýdaryldy. О́tken jylmen salystyrǵanda quqyqbuzýshylyq sanynyń jalpy qysqarýyna qaramastan, áskerı qyzmetshilerdiń qyzmetten tys ýaqytta qoǵamdyq oryndarda júris-turys qaǵıdalaryn buzý jaǵdaılary áli kezdesedi. Bul barlyq Otan qorǵaýshylardyń bedeline kóleńke túsiredi.

Qorǵanys vedomstvosynyń basshysy osyndaı faktilerdi barynsha azaıtý úshin barlyq aldyn alý is-sharalaryn neǵurlym sapaly júr­gizýge nusqaý berdi. Bul úshin ákimshilik jáne tártiptik ádisterdi ǵana emes, sondaı-aq qoǵamdyq yqpal etý sharalaryn, ofıserlik jınalystardyń jumysyn, áskerı qyzmetshilerdiń otbasy múshelerine barý men áńgimelesýdi keńinen qoldaný qajet.

Bul baǵytta IIM qyzmet­ker­l­e­rimen birlesip, áskerı qyzmet­shi­ler turatyn jerlerde patrýldeý mańyzdy bolýy tıis. Munda qu­qyq­tyq tártipti qamtamasyz etip qa­na qoımaı, turǵyndar arasynda túsin­dirý jumystaryn da júrgizý kerek.