Batys Qazaqstan oblysynyń densaýlyq saqtaý basqarmasynyń basshysy Bolatbek Kaıýpov eki aıǵa qamaýǵa alyndy, dep habarlaıdy Egemen.kz
BQO prokýratýrasynyń baspasóz qyzmetiniń málimetinshe, "Batys Qazaqstan oblysynyń Densaýlyq saqtaý basqarmasy" MM basshysy men onyń kómekshisine qatysty eki aı merzimge "kúzetpen ustaý" túrindegi bultartpaý sharasy taǵaıyndaldy.
Eske salaıyq, Bolatbek Kaıýpovtyń ustalǵany týraly 29 qazanda belgili bolǵan edi.
Keıinirek sybaılas jemqorlyqqa qarsy qyzmet Kaıýpov seriktesimen birge 2020 jylǵy 12-23 qazan aralyǵynda kompanııa dırektorynan atqarylǵan jumystardyń aktilerine kedergisiz qol qoıý jáne medısınalyq jabdyqtardy (monıtorlardy) jetkizýge JShS-pen buryn jasalǵan memlekettik satyp alý týraly sharttar boıynsha jalpy somasy 78 mıllıon teńge para alǵanyn habarlaǵan edi.