"Ońtústik" óńirlik qolbasshylyǵy 35748 áskerı bóliminiń mádenı-demalys ortalyǵynda sybaılas jemqorlyqqa qarsy "áskerde qylmysqa oryn joq" baǵdarlamasyn oryndaý týraly is-sharalar josparyna sáıkes Shymkent garnızonynyń áskerı prokýrory ádilet polkovnıgi Baǵlan Teleýdiń bastaýymen garnızondaǵy áskerı bólim basshylarymen vedomstvoaralyq keńes ótti, dep habarlaıdy Egemen.kz
Keńeske QR UQK Shekara qyzmeti jáne QR IIM Ulttyq ulany vedomstvolarynyń ókilderi, sondaı-aq garnızondaǵy áskerı bólimderdiń sybaılas jemqorlyqqa qarsy is-qımyl jónindegi komıssııalarynyń basshylary men ókilderiniń qatysýymen ótti.
Otyrys barysynda Shymkent garnızonynyń bastyǵy podpolkovnık Núrken Qaraǵulov pen garnızonnyń áskerı prokýrory ádilet polkovnıgi Baǵlan Teleý sóz sóıledi.
Sonymen qatar, keńes barysynda 2020 jyldyń toǵyz aıynyń qorytyndysy boıynsha áskerı bólimderdiń komandırleriniń áskerı tártip pen quqyqtyq tártiptiń jaı-kúıi týraly baıadamalary tyńdaldy.
Garnızonnyń áskerı polısııa bóliminiń sybaılas jemqorlyqqa qarsy is-qımyl ofıseri ádilet maıory Marat Ábýbákir óz sózinde quqyq qorǵaý organdarynyń ókilderimen qylmystyq quqyq buzýshylyqtardyń aldyn alý boıynsha birlesken is-sharalar ótkizýge jáne áskerı bólimder basshylyǵyna qylmystyq quqyq buzýshylyqtardy jasaýǵa jáne basqa da zańdardy buzýǵa yqpal etetin sebepter men jaǵdaılardy joıý boıynsha qoldaý kórsetýge nazar aýdardy.
Túrkistan oblysy jáne Shymkent qalasynyń qorǵanys isteri jónindegi departamentteriniń bastyqtary "Qarýly Kúshteri – Adaldyq alańy" jobalyq keńseleriniń qyzmeti týraly baıandama jasady. Olar jergilikti áskerı basqarý organdarynda joǵaryda atalǵan keńselerdiń iske qosylýy arqasynda qol jetkizilgen nátıjeler týraly aıtyp berdi, olar is júrgizýshilerdiń qujat aınalymyn edáýir azaıǵanyn, sondaı-aq sybaılas jemqorlyq quqyq buzýshylyq táýekelin edáýir kemeıgenin jáne azamattardyń áskerı komıssarıattar qyzmetkerlerine senimin arttyryp jatqanyn atap ótti.
Barlyq baıandamalar aıaqtalǵannan keıin garnızonnyń áskerı prokýrory ádilet polkovnıgi Baǵlan Teleý garnızonnyń áskerı bólimderiniń komandırlerine quqyq buzýshylyqtardyń jasalýyn boldyrmaý, sondaı-aq áskerı qylmystar boıynsha QR QK baptaryn jetkize otyryp, aldyn alý jumystaryn jalǵastyrý jóninde naqty usynystar berdi.
Otyrys aıaǵynda QR Qarýly Kúshteri qatarynda buryndary jasalǵan sybaılas jemqorlyq quqyq buzýshylyqtary týraly beınefılm kórsetildi.
Vedomstvoaralyq keńes aıaqtalǵannan keıin áskerı bólimderdiń komandırlerine qylmystyq quqyq buzýshylyqtardyń aldyn alý jáne olarǵa jol bermeý boıynsha mindetter qoıyldy.