Premer-Mınıstr Asqar Mamın órt faktileri kóbeıgen óńirlerdi atady, dep habarlaıdy Egemen.kz
"Memleket basshysy jańadan qurylǵan Tótenshe jaǵdaılar mınıstrliginiń aldyna azamattyq qorǵaý máselelerin damytý jáne jetildirý, órt qaýipsizdigin qamtamasyz etý, tótenshe jaǵdaılardyń aldyn alý jáne joıý boıynsha mindetter qoıdy. Tıimdi áreket etý júıesin qurýǵa baǵyttalǵan sharalar qabyldaý qajet. Azamattar men olardyń múlkin avarııalar men apattardan qorǵaýdy qamtamasyz etý kerek. Statıstıkaǵa qaraǵanda, keıbir óńirlerde órt sany, adamdardyń jaraqattanýy men qaza bolýy kóbeıgen. Ásirese, Shymkent, Almaty qalalarynda, Aqmola, Soltústik Qazaqstan, Qyzylorda oblystarynda jer úılerde órt sanynyń kóbeıgenine nazarlaryńyzdy aýdarǵym keledi", dedi A. Mamın.
Úkimet otyrysynda. Osy oraıda Premer-Mınıstr órt negizinen elektr jabdyqtary men pesh júıesin durys paıdalanbaý saldarynan shyǵatynyn atap ótti.
"О́ńirlerdiń ákimderi osy máseleni erekshe baqylaýǵa alyp, tıisti sharalar qabyldasyn. Materıaldyq-tehnıkalyq jaraqtandyrý týraly qoldanystaǵy jol kartasyn 2018-2020 jyldary iske asyrý 404 órt sóndirý avtomobıli men 19 myń jabdyq pen kerek-jaraq alýǵa múmkindik berdi. Munyń ózi órt sóndirý qyzmetiniń jaraqtandyrylý deńgeıin joǵarylatty. Bul jumys elordada, Almaty, Shymkent qalalarynda, Atyraý jáne Qaraǵandy oblystarynda jaqsy jolǵa qoıylǵan. Osy rette Qostanaı, Mańǵystaý jáne Pavlodar oblystarynyń ákimdikteri osy maqsatqa jetkilikti qarajat bólmegen", dedi Úkimet basshysy.