Oblys ákimi О́mirzaq Shókeev elimizdegi eskek esý jəne jelken sporty boıynsha oqý-jattyǵý jıyndary ótetin Badam sý-qoımasy sport bazasynyń jumysymen tanysyp, sportshylarmen kezdesti. Ámbebap oqý - jattyǵý bazasy 130 adamǵa arnalǵan. Segiz gektar aýmaqty alyp jatqan sport bazasynda jasandy kól, eki sport alańshasy, qaıyqtardy qajetti temperatýrada saqtaıtyn qoıma men jóndeý oryndary da bar.
Túrkistan derbes oblys atanǵanda, oblystyq sport kesheni Shymkent qalasynyń úlesine ótken. Qazir munda Túrkistan oblysy men shymkenttik sportshylar jattyǵýda. Halyqaralyq dárejedegi eskek esý kanaly Túrkistan qalasynda keler jyly salynady.
Olımpıadalyq sý kesheniniń eskızdik jobasyn oblys ákimi О́mirzaq Estaıuly maquldady. Eskek esý jəne baıdarka sporty boıynsha olımpıadalyq standartqa saı ortalyq 80 gektar alqapqa jaıǵasady. Osylaısha Qazaqstanda sý sport túrleriniń damýyna yqpal etip qana qoımaı, Túrkistanda joǵary deńgeıdegi jarystar ótkizýge múmkindik týady. Sapbordıng, sý shańǵysy, flaıbordıng, veıkserfıng, kanopolo, dragonbot jáne jaǵajaı oıyndar fýtboly, voleıbol, gandbol, tennıs, regbı sekildi sý jáne jaǵajaı sportynyń tanymal túrlerin damytýǵa septigin tıgizetin sport kesheninde keńseler, qonaqúı, saýda ortalyqtary, akvapark, balalar attraksıondary jáne taǵy bas nysandar ornalasady.
Aıta ketelik, Tokıo olımpıadasynyń joldamasy úshin lısenzııalyq týrnırlerge Túrkistan oblysynan eskek esýden Irına Klınova men akademııalyq eskek esýden Vladıslav Iаkovlev, sonymen qatar parakonoeden elimizdiń daryndy sportshylary Jalǵas Taıkenov pen Bıbarys Spataı qatysady.
Túrkistan oblysy