Shymkent qalasynda karantındik shekteý sharalarynyń merzimi uzartyldy, dep habarlaıdy Egemen.kz
Qalanyń Bas memlekettik sanıtarııalyq dárigeri Ábdimanap Tólebaevtyń qaýlysyna sáıkes, Shymkent aýmaǵynda karantın jáne shekteý sharalary 2020 jylǵy 23 qarasha saǵat 00:00-ge deıin uzartylady.
Shymkent qalasynyń turǵyndary jáne qonaqtary úshin:
- adamdardyń kóp jınalýyna baılanysty kez kelgen issharalardy ótkizýge tyıym salynady (eske alý, týǵan kúnder, mereı toılar, shyǵaryp salý, qudalyq, toı, betashar jáne basqa); - 65 jastan asqan adamdardyń qalada júrýi shekteledi;
- qalada júrip-turý kezinde maskalardy kııý boıynsha talapty jáne adamdar arasynda keminde 2 metr áleýmettik qashyqtyqty saqtaý qajet;
- úılerdiń aýlalaryna, saıabaqtarǵa, alańdarǵa, skverlerge, jaǵalaýlarǵa baryp serýendeýge 3 adamnan aspaıtyn toptarmen nemese bir otbasy múshelerine ǵana ruqsat etiledi;
- qoǵamdyq paıdalaný oryndarynda ornalasqan balalardyń oıyn alańshalaryna 3 adamnan aspaıtyn toptarǵa barýǵa ruqsat etiledi;
- qoǵamdyq oryndarǵa, adamdar kóp jınalatyn obektilerge barǵanda, sonyń ishinde qoǵamdyq kólikterge kirgen kezde maskalardy kııý jáne antıseptıkterdi paıdalaný jónindegi talaptar qatań saqtalýy tıis. Budan bólek, menshik nysanyna qaramastan uıymdar men kásiporyndar, zańdy tulǵalar jáne kásipkerlik sýbektileri kelesi talaptardy oryndaýy tıis:
- jumys ýaqytyn barynsha qysqartý múmkindigimen, keńse qyzmetkerleriniń 50% qashyqtan jumys isteýge kóshirý (shtattyq keste boıynsha 30-dan astam qyzmetker bolǵanda);
- saýda ortalyqtarynda, azyq-túlik jáne azyq-túlik emes dúkenderde, qyzmet kórsetý salasyndaǵy obektilerde jáne adamdar kóp jınalatyn oryndarda kúndelikti dezınfeksııalyq is-sharalardy ótkizý;
- Halyqqa qyzmet kórsetý ortalyqtarynyń jumysyn uıymdastyrý (onyń ishinde mamandandyrylǵan HQKO) aldyn ala Egov.kz saıtynda jáne Telegram-da (EgovKZBot 2.0) kezekti brondaý arqyly júrgizý.
Jumys ýaqyttary saǵat 09:00-den 18:00-ge deıin belgilenedi. Bul rette, QR eńbek zańnamasyna sáıkes demalys jáne mereke kúnderi jumystary toqtatylady;
- "Qazpochta" AQ-nyń, Call-ortalyqtardyń jumys ýaqyty saǵat 09:00-den 18:00-ge deıin belgilenedi. Qazaqstan Respýblıkasynyń eńbek zańnamasyna sáıkes demalys jáne mereke kúnderi jumystary toqtaıdy;
- QR eńbek zańnamasyna sáıkes demalys jáne mereke kúnderi jabyq azyq-túlik jáne azyq-túlik emes bazarlardyń (qabyrǵalary, terezeleri/vıtrajdary bar úı-jaılar, ǵımarattar, qurylystar) qyzmeti toqtatylady.
Syıymdylyqty 30% asyrmaı jáne 1 kelýshige 4 sharshy metr aýmaqtan kelý talabyn saqtaı otyryp, azyq-túlik bazarlary, jármeńkeler, azyq-túlik emes bazarlar (mamandandyrylǵan, kıim-keshek, mal jáne avtokólik bazarlary) saǵat 06:00-den 18:00-ge deıin jumys isteıtin bolady. Jármeńkelerdiń jumysyn kúsheıtilgen sanıtarııalyq-dezınfeksııalyq rejimdi saqtaı otyryp uıymdastyrý, onyń ishinde dezınfeksııalyq tonnelderdi jáne sanıtaızerlerdi ornatý qamtamasyz etilýi qajet.
- ornalasqan ornyna qaramastan barlyq azyq-túlik gıpermarketteriniń, sýpermarketterdiń, shaǵyn marketter men úı janyndaǵy dúkenderdiń jumys, demalys jáne mereke kúndergi jumys rejimi saǵat 09:00-den 22:00-ge deıin shekteledi.
- SPA-ortalyqtar, sulýlyq salondary, shashtaraz, kosmetıkalyq jáne kosmetologııalyq qyzmetter, manıkıýr jáne pedıkıýr qyzmetterin kórsetetin ortalyqtar men salondardyń (aldyn ala jazylý boıynsha bir kelýshige 4 sharshy metr) qyzmet ýaqyty jumys, demalys jáne mereke kúnderi 09:00-den 21:00-ge deıin shekteledi;
- saıajaılar, skverler, jaǵalaýlar qalypty rejımde ashyq bolady;
- mádenıet obektileriniń (jeke jáne toptyq repetısııalarǵa 30 adamnan aspaıtyn qatysýshylar), teatrlar (syıymdylyǵy 50% adamnan aspaıtyn, biraq 100 adamnan artyq emes, "InfoKazakhstan.kz" portalynda tirkelýmen, betperde kııý rejimi, áleýmettik qashyqtyq jáne QR BMSDQ №57 talaptary saqtalǵan jaǵdaıda) kitaphanalardyń, murajaılardyń jumysy qalypty rejimde jalǵasady;
- dinı obektiler (meshit, shirkeý, soborlar, sınagog jáne t.b.) talaptardy saqtaýmen (30% deıin toltyrý, biraq 100 adamnan asyrmaı) qalypty rejimde jumys isteıdi. Juma namazdaryna tyıym salynady.
- oblysaralyq jáne qalaaralyq avtobýs pen shaǵyn avtobýstardyń júrýine tyıym salynady; Sondaı-aq jumys, demalys jáne mereke kúnderi qoǵamdyq kólik qozǵalysynyń ýaqyty saǵat 07:00-den 21:00-ge deıin shekteledi.
Adamdardyń aıaldamalarda jáne qoǵamdyq kólikterde shoǵyrlanýyn boldyrmaý maqsatynda kólik quraldarynyń (avtobýstardyń, shaǵyn avtobýstardyń) jelige barynsha shyǵýy, qozǵalystyń birkelki kestesi uıymdastyrylýy qajet.