Ortaq bırjalyq keńistik qurylady

Ortaq bırjalyq keńistik odaq elderiniń uıymdasqan naryqtarynda baǵaly qaǵazdar men qarjy quraldary arqyly bırjalyq saýdanyń kelisilgen rásimderi jáne tehnologııa­lar negizinde ózara biriktirilip, baılanystyrylǵan júıe retin­de qurylady. Sondaı-aq komıs­sııa músheleri EAEO-nyń ortaq qarjy naryǵyn da­my­týǵa yqpal etetine senimdi.

«EAEO sheńberindegi ortaq bırjalyq keńistik kapıtal­dyń erkin qozǵalysyn qalyp­tas­tyrýǵa, qordyń sapasyn art­tyrýǵa, halyqtyń ınvestı­sııalyq jáne jınaq múmkin­dik­terin keńeıtýge, sondaı-aq transshekaralyq operasııa­lardyń júrgizý tetikterin qurýǵa múmkindik beredi. Jol kar­tasyn iske asyrý nátıjesin­de múshe memleketter emıtent­teri­­niń transshekaralyq bel­sendi­ligi artyp, bırjalyq saý­daǵa qatysýshylardyń ózara is-qımyly keńeıtilip qana qoı­maı, ınvestorlardyń EAEO-nyń qarjy naryqtaryna senimi artady», dedi Eýrazııalyq ekonomıkalyq komıssııanyń Ekonomıka jáne qarjy saıasaty jónindegi alqa múshesi Tımýr Jaqsylyqov.

Jol kartasy birqatar halyq­­aralyq shart negizinde ázir­len­gen. Atap aıtqanda, mú­she mem­leketterdiń broker­leri men dı­ler­lerine odaq­tyq mem­leketter bır­­jalarynyń saýda-satty­ǵyna qaty­sýǵa ruq­sat berý, múshe memleket­ter­diń bır­jalaryna baǵaly qaǵaz­dar­dy shyǵarýdy qamtamasyz etý, aqparatty berýdiń biriz­den­­dirilgen formattary men arna­lary boıynsha elektron­dy ózara is-qımyldy, korpo­ra­tı­v­tik jáne qarjylyq aqpa­rat­ty ashýdyń birlesken júıesin qurý, baǵaly qaǵazdar naryǵyndaǵy teris áreketterdi aldyn alyp, ınvestorlardyń quqyǵyn qorǵaýdy, sondaı-aq biriktirilgen esep aıyrysý depozıtarlyq klasterdi jáne klırıngtik júıeni qurýdy qarastyrady.

Odaqtyń ortaq bırjalyq keńistigi qarjy naryqtarynyń ınvestısııalyq tartymdylyǵyn arttyryp, múshe memleketter­diń ulttyq ekonomıkalaryna qosym­sha resýrstar tartýǵa jol ashady deıdi komıssııa alqasy.

Qujatty Eýrazııalyq eko­no­mıkalyq odaqtyń ortaq Qar­jy naryǵyn qalyptastyrý tu­jy­rymdamasy sheńberinde Eýra­zııalyq ekonomıkalyq ko­mıs­sııa­nyń qarjy saıasaty depa­rta­menti EAEO elderiniń ýákiletti or­g­an­darymen birlesip daıyndaǵan.

Alqaly otyrysta Alkogol óniminiń qaýipsizdigi týraly Eýra­zııalyq ekonomıkalyq odaq­tyń (EAEO) tehnıkalyq regla­menti­niń kúshine ený merzimin 2022 jylǵa deıin uzartýǵa she­shim qabyldady. Bul týraly EEK Alqasy tóraǵasynyń kómekshisi Iıa Malkına Facebook-tegi paraqshasynda aıtty.

«EEK Alqasy EAEO-nyń «Alkogol óniminiń qaýipsiz­digi týraly» tehnıkalyq regla­mentiniń kúshine ený merzimin 2022 jylǵy 1 qańtarǵa aýystyrdy. Bul tehnıkalyq reglamentke ózgeristerdi daıyndaý úshin qajet», deıdi I.Malkına.

Tehnıkalyq reglament EAEO elderinde alkogol ónim­­de­rin óndirý, tasymaldaý, saq­­taý jáne ótkizý boıynsha biryń­ǵaı talaptardy belgileıdi. Osy­ǵan deıin ony 2021 jyly qabyl­danady dep josparlanǵan edi.