Brıtandyq ǵalymdar koronavırýsqa qarsy ımmýnıtet buryn COVID-19-ben aýyrmaǵan adamdarda paıda bolýy múmkin ekenin anyqtady. Zertteý nátıjeleri Science portalynda jarııalandy, dep habarlaıdy Egemen.kz.
Mamandar 302 adamnyń qan taldamalaryn zertteı kele olardyń 16-synda koronavırýsqa antıdeneler baryn anyqtaǵan. Bul jaǵdaı olardyń koronavırýsqa uqsas vırýs juqtyrǵanymen túsindirildi.
Ǵalymdar keıbir adamdarda buryn alynǵan ımmýnıtettiń úlesi bolýy múmkin degen qorytyndyǵa keldi. Ázirge koronavırýstan ımmýndyq qorǵanystyń tıimdiligi dáleldengen joq.
Olardyń aıtýynsha, Sovid-19-ben aýyrmaǵan adamdarda tabylǵan antıdeneler koronavırýs juqtyrǵan naýqastardykinen erekshelenedi.