Ulttyq bank tóraǵasynyń orynbasary Álııa Moldabekova altyn valıýta aktıvteri jaıynda aıtyp berdi, dep habarlaıdy Egemen.kz
Qazanda altynnyń baǵasy tómendeý traektorııasyn jalǵastyrdy jáne bir aıda bir ýnsııa úshin 1883,4 dollardan 1875,8 dollarǵa nemese 0,4%-ǵa tómendedi. Baǵaly metaldar naryǵyndaǵy negizgi anyqtaýshy faktor AQSh-taǵy saılaýǵa qatysty belgisizdik boldy.
"Altyn baǵasynyń tómendeýi is júzinde QR Ulttyq bankiniń altyn portfeline áser etpegenin aıta ketken jón, óıtkeni ol basym quqyqty iske asyrý sheńberinde otandyq altyndy satyp alýmen rettelgen bolatyn. Qazannyń sońynda Ulttyq Banktiń altyn portfeli 23,2 mlrd dollardy qurady.Degenmen, aldyn ala derekter boıynsha altynvalıýta aktıvteri bir aıda 200 mln dollarǵa qysqaryp, qazannyń sońynda 33,6 mlrd dollardy qurady", dep atap Ulttyq bank tóraǵasynyń orynbasary.
Álııa Moldabekovanyń aıtýynsha, altynvalıýta aktıviniń tómendeýi negizinen shamamen 90 mln dollar kóleminde memlekettik boryshty tóleýge jáne 91,3 mln dollar kóleminde valıýtalyq ıntervensııa júrgizýge baılanysty boldy.