Shymkent qalasynda kásipkerlikti qoldaý, kásipkerliktiń jańa sýbektilerin ashýǵa jaǵdaı jasaý basty jolǵa qoıylǵan. Bul baǵytta Ál-Farabı aýdanynda 10 aı kóleminde 4 mlrd teńge kóleminde ınvestısııa tartylǵan, dep habarlaıdy Egemen.kz
Bul jóninde búgin aýdan ákimi Ǵabıt Máýlenqulov aqparattyq-kommýnıkasııalyq ortalyqta ótken brıfıng barysynda málimdedi. Bul jóninde búgin aýdan ákimi Ǵabıt Máýlenqulov aqparattyq-kommýnıkasııalyq ortalyqta ótken brıfıng barysynda málimdedi. - Jyl basynan jalpy 24 iri kásipkerlik nysannyń qurylysy bastaldy. Onyń ishinde 13 kásipkerlik nysan iske qosylyp, 11 kásipkerlik nysandardyń qurylys jumystary júrgizilýde. Qurylys jumystaryna jáne turaqty jumyspen 548 adam qamtylyp, tartylǵan ınvestısııa kólemi 4 mlrd qurady. Karantın rejıminde engizilgen shekteý sharalaryna baılanysty, birshama qurylysy júrip jatqan kásipkerlik nysandar merziminde aıaqtalmady, - dedi Ǵabıt Patshahanuly.Onymen qosa, aýdanda «Ortalyq qyrǵy bazar», «Darhan» bazaryn qaıta jańǵyrtý (rekonstrýksııa) kúrdeli qurylys jumystary júrgizilýde. «Darhan» bazaryndaǵy kúrdeli qurylys jumystaryn osy jyly bastap, 2021 jyldyń jeltoqsan aıynda aıaqtaý josparlanýda eken. Qurylys jumystaryna «Bıznestiń jol kartasy – 2025» bıznesti qoldaý memlekettik baǵdarlamasy aıasynda, «Damý» kásipkerlikti damytý qory» AQ qoldaýymen 100 mln. teńge sýbsıdııa bólingen. Kásipkerlikti qoldaý maqsatynda «Men kásipker bolamyn!» baǵdarlamasy aıasynda 103 azamat ártúrli salada óz kásipterin ashyp, jumystaryn júrgizýge múmkindik alǵan.