Birqatar jobalar boıynsha yntymaqtastyq týraly aldyn ala ýaǵdalastyqtarǵa qazaqstandyq delegasııanyń Ystambulǵa sapary sheńberinde Túrkııanyń isker toptar ókilderimen kelissózder barysynda qol jetkizildi. Bul sapar buryn beınekonferensbaılanys arqyly ornatylǵan sheteldik ınvestorlarmen dıalogtyń jalǵasy, dep habarlaıdy Egemen.kz
Delegasııa quramyna QR Syrtqy ister mınıstriniń orynbasary Almas Aıdarov, Qazaqstannyń Túrkııadaǵy Elshisi Abzal Saparbekuly, "KAZAKH INVEST UK" AQ Basqarma tóraǵasynyń orynbasary Ǵalym О́zbekov, sondaı-aq Qazaqstannyń jergilikti atqarýshy jáne kvazımemlekettik organdarynyń ókilderi kirdi. Túrik tarapyna 30-ǵa jýyq iri kompanııalardyń ıeleri men birinshi basshylary kirdi.
Kezdesý barysynda Qazaqstan-Túrkııa saýda-ekonomıkalyq, ınvestısııalyq yntymaqtastyq jáne ınvestısııalyq ahýaldy odan ári jaqsartý máseleleri talqylandy.
QR Syrtqy ister mınıstriniń orynbasary Almas Aıdarov óz sózinde túrik ınvestorlary búgingi tańda eń belsendi ınvestorlardyń biri bolyp tabylatynyn atap ótti. Aǵymdaǵy jyldyń sońyna deıin ınfraqurylym, mashına jasaý, tamaq ónerkásibi jáne aǵash óńdeý sııaqty salalarda shamamen $160 mln bolatyn 5 jańa ınvestısııalyq jobany iske asyrý kútilýde.
Qazaqstannyń Túrkııadaǵy Elshisi Abzal Saparbekuly óz sózinde Qazaqstan men Túrkııa ortaq tarıhı, mádenı jáne baýyrlastyq baılanystary bar strategııalyq seriktester bolyp tabylatynyn atap ótti. 2020 jyldyń 8 aıynyń qorytyndysy boıynsha, pandemııaǵa qaramastan, taýar aınalymy $2 mlrd-tan asty, bul 2019 jyldyń sáıkes kezeńimen salystyrǵanda 1,4%-ǵa artty. 2019 jyldyń qorytyndysy boıynsha shamamen $360 mln túrik ınvestısııasy tartyldy, bul jyldyq esepteýdegi jańa absolıýttik rekord bolyp tabylady.
Is-shara sheńberinde Qazaqstanda ónerkásip, AО́K salalaryndaǵy ınvestısııalyq jobalardy, sondaı-aq memlekettik-jeke menshik áriptestik tetigi arqyly iske asyrýǵa nıet bildirgen áleýetti ınvestorlarmen birqatar ekijaqty kezdesýler ótti.
Kelissózder qorytyndysy boıynsha shamamen $160 mln somasyna 5 kelisimge qol qoıyldy, qujattar sheńberinde Qazaqstanda logıstıkalyq jáne saýda-oıyn-saýyq ortalyǵynyń, jylyjaıdyń, jylý kóziniń qurylysy boıynsha jobalardy iske asyrý josparlanýda. Sonymen qatar, gaz-elektr plıtalaryn shyǵaratyn zaýyt salý josparda bar.