Búgin aımaq basshysy Gúlshara Ábdiqalyqovanyń tóraǵalyǵymen oblystyq tótenshe jaǵdaılardyń aldyn alý jáne olardy joıý jónindegi komıssııa otyrysy ótti. Kún tártibinde eki másele qaraldy. Atap aıtsaq, oblystyq tótenshe jaǵdaılar departamentiniń bastyǵy B.Danılov aǵymdaǵy jylǵy orman sharýashylyqtaryndaǵy órt qaýipti kezeńniń qorytyndysy jáne 2021 jylǵy órt qaýipti kezeńge daıyndyq sharalary men azamattyq qorǵaý jáne tótenshe jaǵdaılar qyzmetteriniń qys mezgiline daıyndyǵy týraly baıandady, dep habarlaıdy Egemen.kz
Qyzylorda oblysy aýmaǵynda orman jáne janýarlar dúnıesin qorǵaý boıynsha 8 memlekettik mekeme ornalasqan. Osy mekemelerdiń qorynda 6,6 mln. ga jer kólemi bolsa, onyń 3,1 mln. ga ormandy jáne toǵaıly alqaptar alyp jatyr.
2014-2020 j.j. aralyǵynda oblys boıynsha memlekettik órtke qarsy qyzmeti joq eldi mekenderde kezeń-kezeńimen barlyǵy 22 órt sóndirý beketi quryldy.
Jyl basynan memlekettik orman qorynda 48 órt oqıǵasy oryn alyp, bul ótken jyldyń osy kezeńimen salystyrǵanda 8 esege kóbeıgen. Keltirilgen zalal kólemi 9,4 mln. teńgeni qurap otyr.
Jalpy órttiń shyǵýyna sebep - kóktemgi jáne kúzgi kezeńdegi aýylsharýashylyǵy jerlerindegi shópterdi órteý bolyp otyr.
Eske salaıyq, 21 qazanda Jańaqorǵan aýdany, Túgisken aýylyndaǵy egistik alqapta shamamen 30 gektar jerinde órt oqıǵasy oryn aldy. О́rttiń saldarynan osy alqapta jaıylyp júrgen 1 300 bas ýaq malynyń 261 basy ólip, 686 basyn kúıik shalǵan.
Osy rette, aımaq basshysy Qyzylorda qalasy men aýdan ákimderine, kóktemgi egiske daıyndyq jáne kúzgi egin jınaý naýqanynan keıin egin alqaptaryn órteý kezinde óz taraptarynan kezekshilik uıymdastyrýdy jáne órteý aldynda oblystyq tabıǵı resýrstar jáne tabıǵatty paıdalanýdy retteý basqarmasynan ruqsat alýdy qatań tapsyrdy.
«2021-2025 jyldarǵa memlekettik órtke qarsy qyzmeti joq eldi mekenderde kezeń-kezeńmen órt beketterin qurý» josparyn iske asyrý barysynda bólek ǵımarattar men qajetti órt sóndirý qural-saımandarymen jaraqtandyrýdy, qoldanystaǵy zańdylyqtarǵa sáıkes erikti órt sóndirý qurylymdarynyń qoǵamdyq birlestikter nysanynda qurylýyn qarastyrýdy, óz aýmaqtaryndaǵy sharýa qojalyqtaryna 2021 jylǵy kóktemgi dala jumystaryna daıyndyq barysynda órt qaýipsizdigi talaptaryn saqtaý jáne onyń jaýapkershiligi jóninde túsindirme jumystaryn júrgizip, qajet bolǵan jaǵdaıda tıisti quzyrly organdardy qatystyra otyryp, kinálilerdi jaýapkershilikke tartýdy uıymdastyrýdy jáne aldaǵy 2021 jylǵy órt qaýipti kezeńde aýyl sharýashylyǵy alqaptaryn órteý kestesin ázirleýdi júktedi.
Oblys aýmaǵy boıynsha 2642 shaqyrym qatty jabyndy avtomobıl joldar júıesi ótedi. Respýblıkalyq mańyzy bar joldardyń jalpy uzyndyǵy 1112 shaqyrym jáne jergilikti mańyzy bar avtojoldar 1530 shaqyrym quraıdy.
2020-2021 jylǵy qysqy kezeńdegi tótenshe jaǵdaılardy joıýǵa oblystyq Azamattyq qorǵaý qyzmetteriniń barlyǵy 1324 adam jáne 383 birlik ár túrli tehnıkalary daıyndyqqa keltirilgen.
Alaıda, jyl saıyn qysqy mezgilde aýa raıynyń qolaısyz jaǵdaılaryna baılanysty respýblıkalyq jáne oblystyq mańyzdaǵy avtojoldarda kólik quraldarynyń jolaýshylarymen birge túrli sebeptermen jolda turyp qalý faktileri oryn alyp keledi.
Naqtyraq aıtsaq, 2018-2019 jyldary Qyzylorda-Jezqazǵan avtojolynda 107 kólik 208 jolaýshysymen qar qursaýynda qalǵan. Sondaı-aq, Aqtóbe oblysynda joldyń jabylýyna baılanysty, tranzıttik kólikter Aral aýdanynyń terrıtorııasynda uzaq ýaqytqa toqtap, jolaýshylar men júrgizýshiler jylytý pýnkterine kóshirildi.
Oǵan qosa, azamattardyń qysqy ýaqyttaǵy qaýipsizdik sharalaryn saqtamaýy saldarynan balyq aýlaý kezeńderinde muz astyna túsip, qaza bolý jaǵdaılary da tirkelýde.
Oblys ákimi Gúlshara Ábdiqalyqova kúrdeli meteorologııalyq jaǵdaılarda kútip-ustaýshy mekeme jol boıy monıtorıng jumystaryn júrgizip, kúndelikti aýa-raıy boljamyn eskerip, qaýipti degen jol ýchaskelerine qar tazalaıtyn tehnıkalaryn jaqyn ornalastyrýy kerek ekenin eskertti.
Sondaı-aq, jolaýshylar tasymaldaý kólikteriniń jolǵa shyǵý jaǵdaılaryn jáne qystyq dızel otynymen qamtamasyz etilgenin qatań baqylaýǵa alýdy, jol boıy ornalasqan jylytý beketteriniń úzdiksiz jumys jasaýlaryn qamtamasyz etýdi, joldyń jabylǵany jónindegi dabyldy eskertý alysymen, sanatyna qaramastan kólik quraldarynyń jolǵa shyǵýyna qatań túrde shekteý qoıýdy, 2020-2021 jyldyń kúz jáne qys aılarynda oblystyq jáne aýdandyq mańyzdaǵy jol qaýipsizdigin qamtamasyz etý maqsatynda kóktaıǵaqqa qarsy materıaldar, janar-jaǵar maı qorlaryn jasaqtaýdy tapsyrdy.