Qostanaı oblysynda birneshe esirtki qylmysy áshkerelendi. Bul týraly Qostanaı oblysy Polısııa departamenti bastyǵynyń orynbasary Talǵat О́tetileýov málim etti, dep habarlaıdy Egemen.kz
Qostanaı oblysy Polısııa departamentiniń esirtki qylmysyna qarsy is-qımyl basqarmasy jedel is-sharalar barysynda esirtki quraldary men psıhotroptyq-sıntetıkalyq zattardy tárkiledi.
"2020 jylǵy 28 qazanda Qostanaı qalasynyń Dónenbaeva kóshesinde 40 jastaǵy áıel ustaldy. Tekserý barysynda odan 17 túıinshek esirtki tárizdes zat saqtaǵany anyqtaldy. Ashyq tústi zat saraptamaǵa jiberilip, jalpy salmaǵy 6 gramm bolatyn "geroın" ekeni belgili boldy. Kúdikti ýaqytsha ustaý ızolıatoryna qamaldy. 2 qarasha Qostanaı qalasyndaǵy "Iýbıleınyı" shaǵyn aýdanynda 20 jastaǵy er adam ustaldy, onyń páterin tekserý barysynda as úıindegi gaz plıtasynyń ishinde taspamen oralǵan, ishinde aq untaq bar 19 polımerli túıinshek tabyldy.
Sonymen qatar, túrli tústi untaq tárizdi konsıstensııasy bar taǵy 4 polıetılen paket tárkilendi, sıntetıkalyq esirtkiniń jalpy salmaǵy 36 gr qurady. Ustalǵan adamǵa qatysty "Kúzetpen ustaý" túrindegi bultartpaý sharasy belgilendi", deıdi Talǵat О́tetileýov.