Qazaqstan Prezıdenti Qasym-Jomart Toqaev COVID-19 juqtyrǵan Ýkraına basshysy Vladımır Zelenskııdiń aýrýdan tezirek jazylýyn tiledi. Bul týraly Memleket basshysy óziniń Twitter-degi paraqshasynda jazdy.
«COVID-19 indetinen tezirek saýyǵyp ketýin tileımin. Qazaqstan men Ýkraına koronavırýs pandemııasyna qarsy kúres boıynsha tájirıbe almasady jáne biz barlyq álemdik qoǵamdastyqpen birlesip qaýipti indetti jeńemiz», delingen QR Prezıdentiniń jazbasynda.