Qorǵanys mınıstrleriniń kezekti keńesi

Qazaqstan Respýblıkasynyń Qorǵanys mınıstri Ádilbek Jaqsybekov Reseı Federasııasynyń astanasy Máskeý qalasynda ótip jatqan Táýelsiz Memleketter Dostastyǵyna qatysýshy memleketter Qorǵanys mınıstrleri keńesiniń 65-shi otyrysyna qatysty.

Qazaqstan Respýblıkasynyń Qorǵanys mınıstri Ádilbek Jaqsybekov Reseı Federasııasynyń astanasy Máskeý qalasynda ótip jatqan Táýelsiz Memleketter Dostastyǵyna qatysýshy memleketter Qorǵanys mınıstrleri keńesiniń 65-shi otyrysyna qatysty.

Dostastyq elderi qorǵanys vedomstvolarynyń basshylary TMD-ǵa qatysýshy memleketter qarýly kúshteriniń ózara is-qımyl máselelerin talqylady. Birlesken jumystar barysynda mınıstrler TMD Qorǵanys mınıstrleri keńesiniń 2013 jylǵy qyzmetiniń qorytyndysyn shyǵaryp, ke­le­si jylǵa josparlanǵan yn­ty­maqtastyq sharalarynyń ne­gizgi baǵyttaryn aıqyndady. Otyrysta TMD-ǵa múshe elderdiń áýe shabýylyna qarsy birikken qor­ǵanys júıesiniń 2014 jyl­ǵa arnalǵan birlesken is-shara­la­ry talqylanyp, Dostastyq mem­leketteri áskerleriniń múddesi úshin jedel geokeńistik aqparatyn almasýdaǵy yntymaqtastyqty qarastyrdy. Sonymen qatar, ás­kerı-tehnıkalyq jáne áskerı bilim salasyndaǵy kóptarapty yntymaqtastyq baǵyty talqy­lan­dy.

Sondaı-aq, otyrysta jedel jáne jaýyngerlik daıarlyq is-sha­ralaryn tájirıbe túrinde iske asyrý, terrorǵa qarsy is-qı­­myl salasyna mamandar da­ıyn­daýdy uıymdastyrý jáne olar­dyń biliktilikterin arttyrý máseleleri kóterildi. Ás­kerı bilim salasyndaǵy yn­ty­maqtastyq sheńberinde Reseı tarapy Dostas­tyq elderiniń joǵary áskerı oqý oryndary arasynda Olımpıada ótkizý týraly usynys jasady.

Máskeýdegi otyrys sheńbe­rin­de Ádilbek Jaqsybekov Re­seı Federasııasy, Belarýs Res­pýblıkasy, Ázerbaıjan Res­­pýblıkasy, Tájikstan Res­­pýb­lı­kasy, Qyrǵyz Respýb­lı­kasy jáne Ýkraınanyń qor­ǵa­nys mı­nıstr­lerimen birqatar eki­jaqty kezdesýler ótkizdi.

Kelissózder kezinde qor­ǵa­nys vedomstvolarynyń bas­shylary áskerı jáne ás­kerı-tehnıkalyq ózara is-qı­myldyń qazirgi jaǵ­daıy men ony damytýdyń kele­shegin talqylady. Ádilbek Jaq­sy­be­kov Memleket basshyla­ry ara­syndaǵy joǵary deńgeıdegi baılanystar qorǵanys sala­syn­daǵy yntymaqtastyqqa jańasha tynys berip, ózara is-qımyldy tıimdi qamtamasyz etetindigin atap kórsetti.

Qazaqstan Qorǵanys mı­nıstrliginiń Reseı, Belarýs, Ázer­baıjan, Tájikstan, Qyrǵyzstan jáne Ýkraına áskerı vedomstvolarymen yntymaqtastyǵynyń normatıvtik negizderin qamta­ma­syz etý úshin 2014 jylǵa ekijaqty yntymaqtastyq josparlaryna qol qoıyldy.

«Egemen-aqparat».