Búgin tańerteń Almaty qalasyndaǵy iri saýda ortalyqtarynyń birinde órt shyqty, dep habarlaıdy Egemen.kz
Tótenshe jaǵdaılar mınıstrliginiń qyzmetkerleri kúsheıtilgen qurammen saǵat 06: 36-da oqıǵa ornyna qaraı shyqqan.
"Kelgen kezde ekinshi qabattan qatty tútin shyǵyp jatqany anyqtaldy. Gaz jáne tútinnen qorǵaý qyzmeti bólimsheleri barlaý jumystary kezinde termoprokattyń kómegimen órttiń taýarlar men materıaldar ortalyǵy bar qoımadan shyqqany anyqtaldy", dep habarlady TJD.
О́rt 07:21-de tolyǵymen sóndirilgen. О́rt basqa dúkenderge jaıylyp úlgermegen.
"Ǵımaratta avtomatty túrde órt sóndirý jáne tútin shyǵarý júıesi iske qosyldy, bul órttiń taralýyn shekteýge múmkindik berdi. Zardap shekkender joq", dep qorytyndylady departament ókilderi.