Buǵan deıin Densaýlyq saqtaý mınıstrliginiń ókilderi Qazaqstanda dárigerlerdiń ortasha jalaqysy 258 708 teńge ekenin aıtqan edi. Al búgin "SK-Farmasııa" JShS basshysy mıllıon teńge jalaqy alatyn dárigerler týraly aıtyp berdi, dep habarlaıdy Egemen.kz
Erhat Esqalıev bul másele onyń quzyretinde emes ekenin málimdedi, biraq taıaýda BAQ-ta dárigerlerdiń jalaqysy barlyq shegerimdi eskere otyryp, bir mıllıon teńgege jetetini aıtylǵan dedi.
Alaıda jýrnalıster odan taǵy da "qazaqstandyq dárigerlerdiń jalaqysy mıllıon teńge me?" dep surady.
"Bul másele meniń quzyretimde emes ekenin taǵy da aıtqym keledi. Biraq ústeme aqyny qosa eseptegende, osyndaı jalaqy alatyn dárigerler bar. Bul týraly BAQ-ta aıtyldy", dedi "SK-Farmasııa" basshysy.
Aıta keteıik, "SK-Farmasııa" basshysy Erhat Esqalıevtiń ózi - 1 mıllıon 300 myń teńge jalaqy alady. Al kompanııa basshysynyń orynbasary 900 myń teńge alady.