Ishki naryq jol bıtýmymen birkelki qamtamasyz etilýge tıis. Bul týraly Mańǵystaý oblysyna jumys sapary kezinde Energetıka mınıstri Nurlan Noǵaev aıtty.
Vedomstvo basshysy «CASPI Bitum» BK» JShS bıtým óndirý zaýytynyń jumysymen tanysty. CASPI Bitum» BK» JShS údemeli ındýstrııalyq-ınnovasııalyq damytý jónindegi 2010-2014 jyldarǵa arnalǵan memlekettik baǵdarlama aıasynda ishki naryqty jol bıtýmymen qamtamasyz etý maqsatynda Mańǵystaý oblysynda ınvestısııa esebinen salynǵan alǵashqy kásiporyn.
Munaı «Qarajanbas» ken ornynan jetkizilip, tehnıkalyq sıpattamalary jaǵynan jol bıtýmdaryn óndirýge arnalǵan ońtaıly shıkizat.
2014 jyldan bastap 2019 jylǵa deıin kásiporynda 1,590 myń tonna jol bıtýmy óndirildi. Kásiporyndy tekserý barysynda Nurlan Noǵaev jol bıtýmyn óndirýshilerdiń jumysyn jaqsartý úshin Energetıka mınıstrligi qabyldap jatqan sharalar týraly aıtyp berdi.
«Memlekettik satyp alýlardyń keshiktirilýine baılanysty jol salýshylar kóktem men jaz aılarynda óndirýshilerden bıtýmdy jappaı satyp ala bastaıdy. Sol arqyly bıtýmǵa suranys artyp, bul óz kezeginde naryqtyq qatynastarmen retteletin ónimniń qunyna áser etedi», dedi Energetıka mınıstri.
N.Noǵaevtyń aıtýynsha, qurylys maýsymy kezinde bıtým baǵasy ósip, qys aılarynda oǵan degen suranys pen baǵa tómen bolady. Sol sebepti jol salýshylar jyl boıy bıtýmmen birkelki qamtamasyz etilýi tıis. Bul ónimniń baǵasyn tómendetip, jol bıtýmyn óndirýshilerdiń tehnologııalyq prosesterine oń áser etedi.