Qaraǵandyda jedel járdem kóligi jaıaý júrginshini qaǵyp ketti. Nátıjesinde jábirlenýshi oqıǵa ornynda qaıtys boldy, dep habarlaıdy Egemen.kz
Jol-kólik oqıǵasy qalanyń Oktıabr aýdanyndaǵy Popova kóshesinde bolǵan. 51 jastaǵy jedel járdem júrgizýshisi shaqyrtýǵa asyǵyp bara jatqan. Ol 15-shi tas joldan otyz metr qashyqtyqta jaıaý júrginshi jolynda turǵan 71 jastaǵy er adamdy qaǵyp ketedi. Soqqy kúshti bolǵany sonsha, er adam alǵan jaraqattarynan sol jerde qaıtys boldy.
"Atalǵan fakti boıynsha QR Qylmystyq kodeksiniń 345-baby 3-bóligi, "Jol erejesin buzý, adamnyń abaısyzda ólimine ákep soqtyrýy" boıynsha qylmystyq is tirkeldi. Tıisti saraptamalar taǵaıyndaldy. Tergeý amaldary júrgizilýde", dep habarlady Qaraǵandy oblysynyń Polısııa departamenti qyzmetkerleri.