Aqparat jáne qoǵamdyq damý mınıstri Aıda Balaeva "Astana Media Week 2020" ashylýynda sóz sóıledi, dep habarlaıdy Egemen.kz
"Jalpy pandemııa aqparat salasyna óz áserin tıgizdi. Iаǵnı, jarnama berýshiler azaıyp, shyǵarylymdardyń danasy túsip ketti. Osyndaı jaǵdaıda kóptegen buqaralyq aqparat quraldary jabylýǵa májbúr boldy", degen Aıda Balaeva qazirgi ýaqytta BAQ quraldary arasynda artyp kele jatqanyn atap ótti.
Mınıstrdiń aıtýynsha qazirgi ýaqytta qandaı BAQ bolsyn saǵat saıyn oqyrman men kórermenniń yqylasyn aýdarý básekesi júrip jatyr.
"Sondyqtan árbir arna sapaly ári qyzyqty kontent jasaýdy oılaıdy. Áleýmettik jeliler arqyly jumysyn kórsetýge tyrysady. Bul rette bizdiń BAQ joǵary biliktiligi men básekege qabilettiligin kórsetip keledi. Olar ózderiniń aýdıtorııasy ár ýaqytta qyzyqty bolýyn tileımin. Qyzyqty materıaldar usynyp, kórermenderdiń júreginen jol tabýyna tilektespin", deıdi Aıda Balaeva.
Eske sala ketsek elordada Astana Media Week 2020 ótip jatyr. Is-sharanyń negizgi maqsaty – otandyq medıasalany damytý men ındýstrııadaǵy iskerlik qarym-qatynasty aımaqtyq jáne halyqaralyq deńgeıde ilgeriletý. Medıaaptalyq tórtinshi jyl qatarynan álemniń túpkir-túpkirinen jetekshi sarapshylardy dástúrli túrde jınap keledi jáne ózekti taqyryptar talqylanady.