Birqatar mamandyqtyń lısenzııasy qaıtaryldy

Bul týraly Shyǵys Qazaqstan oblysy boıynsha bilim berý salasynda sapany qamtamasyz etý departamentiniń basshysy Zeınep Maqsutova habarlaǵan. Atalǵan departament jyl basynan beri jalpy bilim beretin mektepterge profılaktıkalyq baqylaý júrgizip, bilim berý uıymdaryn jospardan tys teksergen. Depar­ta­ment mamandary bilim berý qyzmetine lısenzııa berý jáne bilim týraly qujattarǵa apostıl qoıý boıynsha memlekettik qyzmetter kórsetedi.

Qazirgi ýaqytta Shyǵys Qa­z­aqs­­tan oblysynyń 19 kol­led­ji keıbir mamandyqtar bo­ıynsha lısenzııaǵa qosymshany óz erikterimen qaıtaryp bergen. Onyń 10-y – memlekettik, qalǵan 9-y – jekemenshik oqý oryndary. Atap aıtsaq, fermer sharýashylyǵy, esepteý teh­nıkasy, baǵdarlamalyq qamtamasyz etý, ishki sanıtarlyq qu­rylǵylardy, jeldetkishterdi jáne ınjenerlik júıelerdi montajdaý, metallýrgııadaǵy mashı­na­lar men jabdyqtar, meha­nı­kalyq óńdeý, tokarlyq pen me­tall óńdeý, sándik qoldan­baly óner, is qaǵazdaryn júr­gi­zý jáne muraǵattaý syndy ma­man­dyqtardyń lısenzııalary qaıtarylǵan. Bul maman­dyq­tardyń keıbireýi sıfrlanǵan qoǵamda asa qajet bolmaǵanymen, tokarlardyń tapshy ekeni sózsiz.

– Bas tartý sebepteri negizinen memlekettik baj salyǵynyń durys tólenbeýimen jáne tańdalǵan elderdiń Gaaga Konvensııasyna kirmeýimen baılanysty, – deıdi bilim berý salasynda sapany qam­ta­masyz etý departamentiniń bas­shysy.

Bilim týraly qujattarǵa apostıl qoıý qyzmeti boıynsha bıyl qańtar-qazan aılarynda 561 ótinish kelip túsken eken. Depar­tament basshysynyń aıtýynsha, barlyǵy 497 qujatqa apostıl qoıyldy. Onyń ishinde 394-i – joǵary bilim týraly, 94-i – kásiptik-tehnıkalyq bilim týraly jáne 94-i – jalpy orta bilim týraly qujat. Al 64 qujat belgili sebepterge baılanysty qabyldanbaǵan.

– Bıyl bizdiń departamentke lısenzııalaý máseleleri boıynsha 114 ótinish kelip tústi. Onyń ishinde 62 ótinish qanaǵat­tandyryldy, 46 ótinish qaıtaryldy, al 6 ótinish qaralýda, – dedi Zeınep Mahsýtova.

Shyǵys Qazaqstan oblysy boıynsha bilim berý salasynda sapany qamtamasyz etý departamentiniń bıylǵy basty mindetteriniń biri kolledjder men joǵary oqý oryn­darynyń stýdentteri úshin qashyqtan bilim berý tehnologııalaryna qoljetimdiliktiń bolýyna monıtorıng júrgizý edi. Eldegi indetke baılanysty 14 naýryzdan bastap departament oqý oryndarynyń qashyqtan oqytýyn únemi qadaǵalaýlarynda ustap otyrdy.

– Monıtorıng 71 kolledj jáne 7 joǵary oqý ornyn qamtydy. Atqarylǵan ju­mys­tar­dyń qorytyndysy bo­ıynsha stýdentterdiń basym bóligi qashyqtan bilim berý tehnalogııa­syna qol jet­kize alatyny anyq­tal­dy. Biraq keıbir kolledjderde ın­ternet jyldamdyǵynyń tó­men­digi anyqtaldy. Biraq osy máselelerdiń barlyǵy sheshildi. Kolledjderge jumysty jaq­sar­tý boıynsha usynystar ýaqtyly jiberilip, qajetti kó­mek kórsetiledi, – dep qosty Z.Mahsýtova.

Alaıda «Shyǵys Qazaqstan tehnıkalyq-ekonomıkalyq kol­ledji» jáne «Semeı qala­synyń Eýrazııalyq kópsalaly kolledji» JShS-de qashyqtan oqytý platformasy joq bolǵandyqtan, oqytý «WhatsApp» jelisi arqyly júrgizilgen eken.

Monıtorıng mektepterdi kúrdeli jóndeý, oqýlyqtardy jetkizý, mektep dárethanalaryn paıdalanýǵa berý, beıne­ba­qylaýmen jabdyqtaý ju­mys­­taryna da júrgizildi. Anyq­tal­ǵandaı, 304 orta bilim berý uıym­darynda dárethanalar orna­tylǵan, 40 mektepte kúrdeli jóndeý júrgizildi, barlyq oqýshy jańa mazmundaǵy oqýlyqtarmen jáne ádistemelik keshendermen tolyq qamtamasyz etilgen.

Sonymen qatar departamenttiń qyzmetkerleri UBT jáne oblys­ta­ǵy pedagogterdiń ulttyq bi­lik­tilik testileýin ótkizý kezin­de baqylaýshy retinde de tartyl­ǵan. Testileý kezinde stýdentter men oqytýshylar tarapynan ereje buzýshylyq faktileri tirkeldi. Uıaly telefondardy paıdalanǵan 21 túlek testileýge jiberilmedi. Tyıym salynǵan zattardy alyp kirýge baıla­nys­ty 47 test nátıjesiniń kúshi joıyldy. Pedagogter tarapynan uıaly telefondardy paıdalanýdyń 26, shpargalkalardy paıdalanýdyń 31 jaǵdaıy jáne test suraqtaryn alyp shyǵýdyń 4 faktisi tirkeldi. Nátıjesinde, test tapsyrǵandardyń qory­tyn­dylary joqqa shyǵarylǵan. Budan basqa 24 pedagog tártiptik jaýap­ker­shilikke tartylypty.

Shyǵys Qazaqstan oblysy