Qazaqtyń kórnekti aqyny Qalıjan Bekhojınniń ǵasyrlyq toıy týǵan ólkesi Baıanaýyldan bastaý alǵan edi. Jyl boıyna elimizdiń túkpir-túkpirinde konferensııalar ótkizilip, aqynnyń ómiri men shyǵarmashylyǵyna arnalǵan kitap basyp shyǵaryldy. Týǵan jeri Pavlodar qalasynda eskertkish ornatyldy.
Qazaqtyń kórnekti aqyny Qalıjan Bekhojınniń ǵasyrlyq toıy týǵan ólkesi Baıanaýyldan bastaý alǵan edi. Jyl boıyna elimizdiń túkpir-túkpirinde konferensııalar ótkizilip, aqynnyń ómiri men shyǵarmashylyǵyna arnalǵan kitap basyp shyǵaryldy. Týǵan jeri Pavlodar qalasynda eskertkish ornatyldy.
Ádebıette ózindik qoltańbasyn qaldyrǵan san qyrly qalamgerdiń 100 jyldyǵy juma kúni Abaı atyndaǵy Qazaq memlekettik akademııalyq opera jáne balet teatrynda jalǵasty.
Qalaýly halyq ulyna qatysty taǵylymdy ıgi ister atqarylyp jatsa, onda ádebıet pen mádenıetke birtaban jaqyn Pavlodar oblysy ákiminiń de úlesi bar. Sharaǵa aqynnyń Almatydaǵy rýhanı álemine taǵzym ete kelgen ólke basshysy Erlan Aryn qatysyp, sóz sóıledi.
Shyǵarmashylyq ólkede ótip jatqan osynaý is sharaǵa qala ákimi Ahmetjan Esimov, zııaly qaýym ókilderi, aqynnyń týystary men jaqyndary ortaqtasyp, tamasha esteliktermen Qalıjan Bekhojındeı qalamgerdiń tulǵasyn somdady.
Qazaqstannyń halyq jazýshysy, Memlekettik syılyqtyń laýreaty Qalıjan Bekhojınniń týǵanyna 100 jyl tolýyna arnalǵan saltanatty keshtiń basty esteligin aqyn Ulyqbek Esdáýlet órip: «Biz Bekhojındeı tarlan da tarpań aqynnyń ózin kórgenge deıin, aldymen óleń-jyr, dastandaryn oqýlyqtan oqyp-bilgen urpaqpyz. «Aqsaq qulany» men «Qorqytpen tildesýin», «Orman qyzy» men «Márııam Jagorqyzyn», «Suńqar týraly ańyzy» men Aqan týraly «Sońǵy saıranyn», Álibı týraly «Dala komıssary» men «Áppaq-namasyn» bir demmen oqyp shyǵyp, aqynnyń qara sózdiń qaımaǵyn qalqyǵan, qazaq tiliniń asyl qazynasyn sapyrǵan qudiret-qýaty men sheberligine tánti bolsaq, shabytynyń qaınap jatqan ystyq tumasynan jaratylǵan «Mahambet qabiri basyndaǵy tebirenisi» men «Terezeni perdeleme, Zaıdahany» bastaǵan lırıkalyq týyndylaryn tebirenbeı oqý múmkin emesine kóz jetkizdik», dedi.
Parlament Senatynyń depýtaty Nurlan Orazalın:
– Qalıjan Bekhojınniń ómiri el ómirindegi óte kúrdeli kezeńdermen tuspa-tus keldi. 30-shy jyldary ádebıet álemine aıaq basty. Al, ol kezeń totalıtarlyq júıeniń qylyshynan qan tamyp turǵan kezeń edi. Odan keıin soǵys maıdanyn kórdi, odan aman keldi. Halyqtyń qasiretin, halyqtyń ishki dińgeginiń myqtylyǵyn, sony jyrlaıtyn dastandardyń barlyǵy qazir óziniń ómirsheńdigin taǵy da dáleldep otyr, – dedi.
Saltanatty shara kezinde talantty qalamgerdiń týyndylarynyń kórmesi ótti. «О́leńim – ómirim» atty kórme aqynnyń dáýirli taǵdyryn asqaqtatyp, búkil shyǵarmashylyq ǵumyryn keıingi urpaqqa pash etti. Ulaǵatty ómir súrgen Qalıjan Bekhojın mol shyǵarmashylyq mura ǵana emes, eljandy ul-qyz tárbıelep ketken kórkemsózdiń ustasy retinde el jadynda udaıy jańǵyryp otyrmaq.
Aınash ESALI,
«Egemen Qazaqstan».
ALMATY.
Sýretti túsirgen Iýrıı BEKKER.