Qostanaı oblysynyń bas sanıtar dárigeri Vladımır Nechıtaılo taǵy bir qaýlyǵa qol qoıdy. Qujat 11 qarashada kúshine endi, dep habarlaıdy Egemen.kz
Qaýlyǵa sáıkes, endi aımaqta taksı saǵat 22.00-den 06.00-ge deıin júre almaıdy. Júrgizýshiler men jolaýshylar mindetti túrde maska taǵýy kerek.
Shashtaraz, spa-ortalyǵy, sulýlyq salony, kosmetıkalyq qyzmet kórsetetin ortalyqtar men salondar, manıkıýr jáne pedıkıýr qyzmeti, massaj salony, tuz shahtalary aldyn ala jazylý arqyly, bir kelýshige tórt sharshy metr oryn daıyndap, saǵat 08.00-den 19.00-ge deıin jumys isteıdi. Jeksenbi kúni bul qyzmetter jumysty toqtatady.
Azyq-túlik dúkenderiniń, onyń ishinde mınımarket, sýpermarket, gıpermarketterdiń jumys kestesi saǵat 08.00-den 21.00-ge deıin bolady, al dárihanalar shekteýsiz jumys isteıdi.
Qaýlynyń tolyq mátini oblystyq sanıtarlyq-epıdemıologııalyq baqylaý departamentiniń saıtynda jarııalandy.