Balasyna alıment tólemegen qazaqstandyq avtokóligi men páterinen aıyrylyp qaldy, dep habarlaıdy Egemen.kz Ádilet mınıstrligine silteme jasap.
Mınıstrlik málimetinshe, ol 2017 jyldan beri qaryzyn tólemegen. Sol kezden bastap ol úsh balasynyń alımentin tólemegen. Qapshaǵaıdyń sot oryndaýshysy salyq organdary arqyly alıment tóleýshiniń aı saıynǵy tabysy 1,2 mıllıon teńge ekenin anyqtaǵan. Osy ýaqyt aralyǵynda onyń qaryzy 21 mıllıon teńgege jetken.
Sot oryndaýshy alıment tóleýshiniń atynda Almatydaǵy eki bólmeli páter jáne Toyota Camry avtokóligi baryn anyqtaǵan.
"Múlikter tárkilenip, baǵalaý jumystary júrgizildi. Alıment tóleýshini jeke sot oryndaýshysy birneshe ret shaqyrǵan. Oǵan balalarynyń alımentin tóleýi týraly birneshe ret eskertilgen. Alaıda er adam sottyń sheshimin oryndaýdan bas tartty", deıdi mınıstrlik ókilderi.
Er adam sot talabyn oryndamaǵany úshin jeke múlkinen aıyryldy.
"Avtokólik 3,2 mıllıon teńge, al páter 13,6 mıllıon teńge dep baǵalandy. Jalpy somasy 16,8 mıllıon teńge bolatyn múlik ony óndirip alýshyǵa berildi. Búginde er adamnyń alıment tóleý boıynsha qaryzy 777 myń teńge", dedi vedomstvo ókilderi.