Memlekettik qyzmet isteri agenttigi Pavlodarda «Memlekettik qyzmetti reformalaý: ishki túıin jáne aımaqtyq BAQ-taǵy kórinisi» degen taqyrypta jýrnalısterge arnalǵan semınar uıymdastyrdy.
Memlekettik qyzmet isteri agenttigi Pavlodarda «Memlekettik qyzmetti reformalaý: ishki túıin jáne aımaqtyq BAQ-taǵy kórinisi» degen taqyrypta jýrnalısterge arnalǵan semınar uıymdastyrdy.
Ol Eýropa Odaǵynyń «Qazaqstan úkimeti memlekettik qyzmetin reformalaý jáne modernızasııalaý» jobasy qoldaýymen júzege asty. Jıynda BAQ pen basqa da qoǵamdastyq ókilderi memlekettik qyzmet jańa modeli máselelerin, onyń ishinde memlekettik organdardyń qoǵammen birlese áreket etý joldaryn ortaǵa saldy.
Semınar jumysyna Pavlodar, Shyǵys Qazaqstan jáne Soltústik Qazaqstan oblystaryndaǵy buqaralyq aqparat quraldarynyń ókilderi, Pavlodar oblysynyń memlekettik qyzmetkerleri, memlekettik qyzmet kórsetý boıynsha jeke tulǵalar, kommersııalyq emes uıymdarmen ózara yqpaldasý jáne yntymaqtasý boıynsha qoǵamdyq keńes pen jergilikti tártiptik keńestiń músheleri qatysty.
Basqosýda Memlekettik qyzmet isteri agenttiginiń tóraǵasy Álıhan Baımenov konkýrstyq prosedýralardyń ashyqtyǵy mehanızmi, sybaılas jemqorlyqpen kúres, «komandalyq kóshýdi» azaıtý sekildi birqatar ózekti máseleler tóńiregindegi memlekettik qyzmet modeliniń negizgi qaǵıdalaryn túsindirdi.
«Qazaqstan Úkimeti memlekettik qyzmetin reformalaý jáne modernızasııalaý» jobasynyń jetekshisi Djordj Mırogııannıs memlekettik qyzmetti damytýdyń zamanaýı úderisterine, Qazaqstannyń memlekettik qyzmetti modernızasııalaýdaǵy ozyq eýropalyq tájirıbeni qoldaný máselelerine toqtaldy.
Semınarda, sonymen birge, kadrlardy irikteý men joǵarylatýda merıtokratııa prınsıpterin qoldaný, memlekettik qyzmettegi etıkalyq jáne jemqorlyqqa qarsy baqylaýdy kúsheıtý, «A» korpýsyn qalyptastyrý men memlekettik qyzmetkerlerdi oqytý máseleleri talqylandy.
Farıda BYQAI,
«Egemen Qazaqstan».