Qustarǵa soǵysyp,qaýipsizdik úshin áýejaıǵa qaıta oralǵan ushaq jolaýshylaryna SCAT avıakompanııasy tıisti jolaqysyn qaıtarady, dep habarlaıdy Egemen.kz
SCAT avıakompanııasynda aıtylǵandaı, 30-dan astam adam basqa kúnge reıske tapsyrys jasady, al qalǵan klıentterge bılettiń tolyq quny qaıtarylady. Avıakompanııa ókilderi barlyq rezıdent emes jolaýshylardy Atyraýdaǵy qonaqúıge ornalastyryp, olardy úsh mezgil tamaqtandyrǵanyn da atap ótti.
Esterińizge sala keteıik, Atyraý - Nur-Sultan baǵytynda kóterilgen ushaq 12 mınýttan keıin apatty jaǵdaıda áýejaıǵa qaıta qonǵan edi. Belgili bolǵandaı, ushaq iri qustar tobymen soqtyǵysqan. Anyq bolǵandaı, tótenshe jaǵdaı kezinde bortta 115 jolaýshy bolǵan.