Qoǵam qaıratkeri Arman Shoraev elimizdiń latyn álipbıine kóshýi aıryqsha qajettilik dep sanaıdy.
«Bizge latyn álipbıine kóshý qajet. Tipti aýadaı qajet. Sonymen qatar, latyn álipbıin baýyrlas Túrkııa men Ázerbaıjan júzdegen jyldan beri qoldanyp keledi. О́zbekter de osy álipbıge kóshkeli jıyrma jyldaı boldy. Ortaq álipbı qoldaný bizdiń jazýymyz ben tilimizge 200 mıllıon baýyrlas ári adal aýdıtorııa beredi. Odan bólek, damyǵan ári tabysty elderdiń basym bóligi latyndy qoldanatyn bolǵandyqtan, bizdiń tilimiz de álemniń aǵylshyntildi bóliginiń quramyna enbek. Internet arqyly qoljetimdi barlyq ınnovasııalyq tehnologııa tili, álemdegi eń úzdik ýnıversıtetterdiń eń myqty dáristeri de aǵylshyn tilinde, latyn grafıkasymen jazylǵanyn da aıta ketý kerek.
Qazaq tiliniń taǵdyry týraly aıtar bolsaq, dál osy latyn álipbıine kóshý ony aldaǵy myń jyldyqta saqtap qalýǵa múmkindik beredi. Basqa elder úshin de bizdiń tilimiz osylaı qoljetimdi bola alady», deıdi A.Shoraev.
Onyń aıtýynsha, kún saıyn neologızmder paıda bolyp, kúndelikti ómirimizge latyn túbiri bar sózder kóbirek enip jatqan kezeńde, bizge de qoldanys aıasy keń ári ámbebap latyn álipbıine qosylýdan basqa amal joq. Sol arqyly ulttyq bolmysqa bet buramyz. Bul bárimiz úshin, barlyq turǵydan utymdy. Al balalarymyz ben nemerelerimizge eýropalyq tilderdi úırený ońaıyraq bolady. Eń bastysy, latyn álipbıin bizge alash mura etip qaldyrdy. Endi olarǵa laıyqty qurmet kórsetý kerek.