Mańǵystaý oblysy Polısııa departamentinde “Jańa jaǵdaıdaǵy Qazaqstan: is-qımyl kezeńi” atty Memleket basshysynyń 2020 jylǵy 1 qyrkúıektegi Qazaqstan halqyna joldaýy aıasynda Ishki ister mınıstri E.Turǵymbaevtyń tapsyrmasymen IIM Kadr saıasaty departamentiniń ımıdjdik is-sharalary departament basshysy J.Baqtybaevtyń basshylyǵymen turaqty túrde júrgizilip turady. Solardyń biri, 2020 jyly 11 qarashada Polısııa departamentinde ótkizilgen – Ishki ister organdary ardagerlerimen kezdesý sharasy.
Is-shara barysynda, ardagerler departament murajaıynda bolyp, ondaǵy qundy jádigerlermen tanysty. О́zderiniń qyzmettik joldaryn, bastan keshken oqıǵalaryn eske alyp, osylaısha ótken shaqqa oısha sapar shekkendeı keremet sezimde qalǵandaryn aıtyp jetkizdi.
Is-shara PD, qala, aýdan kadr saıasaty bóliminiń basshy quramdary men polısııa ardagerleriniń qatysýymen ótkizilgen dóńgelek ústelmen jalǵasyn tapty. Ashyq alań, erkin pikirtalas júrgizilip, ardagerlerdiń usynystary men suranystaryna qulaq túrildi. Búgingi kúnde, Polısııa departamentiniń bastyǵy J.Baqtybaevtyń tikeleı tapsyrmasymen qala, aýdan boıynsha ár ýchaskelik polısııa pýnktterine bir-birden ardager taǵaıyndaý boıynsha jumystar júrgizilýde. Ondaǵy maqsat – qazirgi kezde qyzmet atqarýshy polısııa qyzmetkerleri men ardagerlerdiń arasyndaǵy baılanysty nyǵaıtý, sonymen qatar, eki býyndaǵy oılar men eki býyndaǵy kózqarastardy toǵystyra otyryp, halyqpen tıimdi ári tyǵyz baılanys ornatý.
Polısııa departamentinde polısııa qyzmetkeriniń ımıdjin qalyptastyrýda turǵylyqty jumystar atqarylýda. Al, ardagerlerdi qazirgi polısııa qyzmetine aralasýǵa jumyldyrý, ımıdj qalyptastyrý barysyndaǵy bir aspekt bolyp esepteledi. Áserli de mazmundy ótken shara sońynda ardagerler Polısııa departamentiniń bastyǵy J.Baqtybaev pen basshy quramǵa óz alǵystaryn bildirdi.
Mańǵystaý oblysy