Sharaǵa oblys ákiminiń birinshi orynbasary Arman Jetpisbaev, Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamenti basshysynyń birinshi orynbasary Mıras Qarǵabaı, "Jol aktıvteri ulttyq sapa ortalyǵynyń" Túrkistan oblysy boıynsha fılıalynyń dırektory Mýhıt Ahmetov, beıne-selektorlyq baılanys arqyly qala/aýdan ákimderi qatysty.
Májilisti ashqan oblys ákiminiń orynbasary jergilikti atqarýshy organdardyń mindetteriniń biri – bıýdjet qarajatyn tıimdi paıdalaný ekenin atap ótti.
"Eń bastysy, qarajatty qajetti nysandardyń qurylysyna jumsaý qajet. Sondaı-aq, nysandardyń sapasyn qadaǵalap, joldardyń sapasy men qaýipsizdigin arttyrý kerek", dedi Arman Jetpisbaı.
Mıras Qarǵabaıdyń aıtýynsha, jyl basynan beri turǵyndardyń aryz-shaǵymdary boıynsha "Jol aktıvteri ulttyq sapa ortalyǵynyń" óńirdegi fılıalynyń, "Túrkistan – adaldyq alańy" jobalyq keńsesi qyzmetkerleriniń, Arnaıy monıtorıngtik top músheleriniń jáne jergilikti ákimdik pen merdiger mekeme basshylarynyń, sondaı-aq BAQ ókilderiniń qatysýymen oblysqa qarasty 14 qala/aýdandardyń avtokólik joldaryna monıtorıng jumystary júrgizilgen.
Jıyn barysynda jańadan tóselgen joldardyń sapasy men qaýipsizdigin arttyrý boıynsha usynys-pikirler ortaǵa salynyp, monıtorıng nátıjesinde anyqtalǵan kemshilikterdi boldyrmaý máseleleri talqylandy.
Túrkistan oblysy ákiminiń baspasóz qyzmeti