Úkimette Premer-Mınıstr Serik Ahmetovtiń tóraǵalyǵymen «Báıterek» Ulttyq basqarýshy holdıngi» AQ dırektorlar keńesiniń kezekti úshinshi otyrysy ótti, dep habarlady «Báıterek» UHB» AQ baspasóz qyzmeti.
Úkimette Premer-Mınıstr Serik Ahmetovtiń tóraǵalyǵymen «Báıterek» Ulttyq basqarýshy holdıngi» AQ dırektorlar keńesiniń kezekti úshinshi otyrysy ótti, dep habarlady «Báıterek» UHB» AQ baspasóz qyzmeti.
Dırektorlar keńesi holdıngtiń 2014 jylǵy bıýdjetin jáne holdıngtiń basqarma músheleriniń negizgi qyzmet kórsetkishterin baǵalaý ólshemderin bekitti. «Báıterek» holdıngi basqarma músheleriniń jumysy tabysty arttyrý, enshiles uıymdar kapıtalynyń tartymdylyǵy men tıimdiligin kóterý, ınvestısııalardyń qaıtarymy, tutynýshylar men áriptesterdiń holdıng pen onyń enshiles uıymdarynyń jumysyna qanaǵattanýy syndy kórsetkishter boıynsha baǵalanady. Al bekitilgen jumys tıimdiliginiń ólshemderi holdıng basqarýshylarynyń bul qurylymǵa Úkimet tarapynan júktelgen mindetterdi oryndaýǵa qanshalyqty úles qosyp jatqanyn obektıvti baǵalaýǵa múmkindik beredi.
Otyrys barysynda «Báıterek» holdınginiń basqarma tóraǵasy Qýandyq Bıshimbaev Premer-Mınıstrge Memleket basshysynyń «Turǵyn úı qurylys jınaq banki» AQ basshylarynyń «Qoljetimdi baspana-2020» baǵdarlamasy aıasynda alǵan páterlerdi qaıtaryp, ony baspana kezeginde turǵandarǵa bólý týraly tapsyrmasynyń oryndalý barysy týraly esep berdi. «Qaıtarylýy tıis páterlerdiń sany – 9. Jeti adam páterlerdi óz yqtııarymen qaıtarýǵa kelisim berdi. Qalǵan eki páterdiń máselesi sot arqyly sheshiledi. Jeti adamnyń altaýy qaıtarý týraly kelisimshartqa qol qoıdy», – dep málimdedi holdıng basshysy.