Qaırat aqynǵa eskertkish qoıyldy

Kórnekti aqyn, aýdarmashy Qaırat Jumaǵalıevtiń týǵan je­­ri – Batys Qazaq­stan oblysy Orda aýdanyna qarasty Jıekqum aýyl ­keńesiniń Besqudyq aýyly. 1952 jyly Kapýstın Iаr ás­­kerı polıgonynyń ashylýyna baı­lanysty Naryn qumyn jaı­laǵan halyqty qozǵaǵan kezde bolashaq aqynnyń otbasy Oń­tús­tik Qazaqstan oblysyna kóshi­rilgen.

Taǵdyrdyń jazýymen tý­ǵan jerinen jastaı ajyrap, atajurttan alysta ósse de Qaı­rat aǵa týǵan jerin, Naryn qu­myn erekshe jaqsy kóretin. 2009 jyly týǵan jerine oralyp, ómi­riniń sońyna deıin «Jaıyq Press» mekemesinde qyzmet etti. Kapýstın Iаr áskerı polıgonynyń jabylýyn, Naryn qumyndaǵy shalǵaı aýyldarǵa tabıǵı gaz, taza sý, jol sekildi órkenıet ıgi­likterin jetkizý máselesin únemi kóterip júretin. Ásirese Qaırat aǵanyń kúıqumarlyǵy keremet edi. Dom­byranyń qos isheginen tógilgen kúı estilse, eki kózin ju­myp alyp, yrǵala balqyp otyratyn beınesi kóz aldymyzda. Aqyn­nyń týǵan jerindegi eskertkish beınesi Saıqyn aýylyndaǵy Kúı­shiler alleıasyna orna­tylýy da tegin emes shyǵar.

– Qadirli jerlester! Álemdegi osyn­daı kúrdeli pandemııa kezinde óz je­riniń birtýar ulyn umytpaǵan elden aınalaıyn! Osy sharaǵa atsalysqan barsha azamattarǵa óte rızamyz. Bizdiń otbasymyzdyń aıtar alǵysyn sózben jetkizý qıyn. Ákemizdiń kindik qany tamǵan topyraqta osyndaı eskertkish tur­ǵany – bárimiz úshin úlken qýa­nysh, adamnyń baýyry ezilip, te­birentetin jaıt, – dedi aqynnyń qyzy, osy sharaǵa Oral qalasynan arnaıy kelgen Bekzat Baıbýrına.