Kópir salý - saýapty is ekenin ejelden bilemiz. Jýyqta Kókpekti aýdany, Qaıyńdy aýylyn ekige bólip aǵyp jatqan ózenge jańa kópir salyndy.
Sońǵy ýaqytta jergilikti turǵyndar men jolaýshylar Qaıyńdy aýylyndaǵy ózenge kópir kerektigin jıi aıta bastaǵan. Aıtatyn jónderi de bar edi. Eski kópir 1970 jyly salynyp, on jyl ótken soń qaıta bir bıiktetip jóndelgen. Sol ýaqyttan beri aýyldyń eki jaǵyn jalǵap kele jatqan kópirdiń materıaldary shirip, tozyǵy ábden jetken. Kólikterdiń ótýine qaýip tóngen soń turǵyndar másele kótere bastaǵan.
Oryndy kóterilgen máselege qulaq asqan Kókpekti aýdanynyń basshylyǵy bıýdjetten qarjy bólip, qurylysqa kiristi. Jeke kásipker Samarqan Jotabaev óziniń tehnıkalaryn jumyldyryp, nysannyń salynýyna úlken qoldaý kórsetti.
Kópirdiń uzyndyǵy 11, eni 4,60 metr. Sondaı-aq, jaıaý júrginshilerge arnalǵan qosymsha jolaǵy bar. Turǵyndardyń ıgiligi úshin salynǵan bul ótkel temirden qurastyrylǵandyqtan, sapaly ári qaýipsiz.
Jańa nysan aýyldyqtar úshin óte mańyzdy bolǵandyqtan, saltanatty túrde lentasy qıylyp, qutty bolsyn aıtyldy.
Shyǵys Qazaqstan oblysy