"Taý-Ken Samuryq" UTK" AQ habarlaýynsha, "Alaıǵyr" BK" JShS Qaraǵandy oblysyndaǵy Alaıǵyr ken-baıytý kombınatyn (TBK) salý jobasy boıynsha EPC-kelisimshartyna qol qoıdy, dep habarlaıdy Egemen.kz
Quramyna 3 qazaqstandyq kompanııa kiretin Konsorsıým: "Temir Zat" JShS, "BauProjekt" JShS jáne "MCI Group" JShS jobalyq-smetalyq qujattamany ázirlep, baıytý fabrıkasyna arnalǵan jabdyqty salýdy jáne jetkizýdi júzege asyratyn bolady.
"Ashyq tender qorytyndysy boıynsha Konkýrstyq komıssııa konsorsıýmnyń ótinimin jeńimpaz dep anyqtady. Barlyq korporatıvtik prosedýralardan ótkennen keıin EPC kelisimshartyna qol qoıyldy. Merdigerlerdiń osyndaı nysandarda oń jumys tájirıbesi bar ekenin atap ótkim keledi", dedi "Alaıǵyr" BK" JShS Bas dırektory Danel Skakov.
Ken-baıytý kombınaty qurylysy kezeńinde 253 adam jumyspen qamtylady, paıdalanýǵa berilgennen keıin nysanda 400-den astam jumys orny qurylady. Alaıǵyr KBK qurylysyna salynǵan ınvestısııa kólemi 128,5 mıllıon AQSh dollaryn quraıdy.
Qazirgi ýaqytta kelesi nysandar paıdalanýǵa berildi: eki elektr podstansııasy, 143 km 110 kV joǵary voltty jeli jáne 21 km tehnologııalyq magıstral. Taý-ken jumystaryna daıyndyq jumystary is júzinde aıaqtaldy, ınfraqurylym nysandarynyń qurylysy jalǵasýda. 2022 jyldyń aıaǵyna deıin Ken baıytý kombınaty jobalyq qýatyna (900 myń tonna ken) jetedi.
Esterińizge sala keteıik, "Alaıǵyr" BK" JShS 2011 jyldyń 20 qazanynda quryldy, qatysý úlesiniń 100% "Taý-Ken Samuryq" UTK" AQ tıesili.
"Alaıǵyr" BK" JShS Qaraǵandyoblysynda, Qarqaraly men Shet oblystarynyń shekarasynda, Qaraǵandy qalasynan ońtústik-shyǵysqa qaraı 130 km jerde ornalasqan Alaıǵyr polımetall ken ornyn ıgerýmen aınalysady. Ken ornynyń rastalǵan qory-shamamen 1 mln tonna qorǵasynǵa teń.