"Ońtústik" óńirlik qolbasshylyǵyna qarasty áskerı bóliminde rota komandırleriniń oqý-ádistemelik jıyny ótti, dep habarlaıdy Egemen.kz
25-ten astam áskerı qyzmetshi qatysqan jıyndy bólim komandıri podpolkovnık Núrken Karagýlovtyń basshylyǵymen júzege asyrdy. Jıyn baǵdarlamasynda atys, taktıkalyq, saptyq, fızıkalyq, tehnıkalyq daıarlyq, áskerı qyzmet qaýipsizdigin qamtamasyz etý máseleleri qamtylǵan.
Dáristerde, taktıkalyq jáne kórneki sabaqtarda ofıserler jeke quramdy oqytý men tárbıeleýdiń ozyq tájirıbelerimen tanysty, jaýyngerlik daıarlyqtyń, ishki qyzmetti uıymdastyrýdyń jáne bólimshelerdiń kúndelikti qyzmetiniń ádistemelik daǵdylaryn bekitti.
"Jıyn barysynda biz jańa bilim aldyq, praktıkalyq daǵdylardy bekittik, sondaı-aq jeke quramdy basqarý máseleleri boıynsha rotanyń basqa komandırlerimen tájirıbe almasý múmkindigine ıe boldyq. Osynyń barlyǵy bizge ári qaraı qyzmette kómektesedi", dep atap ótti rota komandıri kapıtan Erseıit Tájibaev.
Sońǵy kezeńde rota komandırleri jaýyngerlik daıarlyqtyń barlyq pánderi boıynsha synaqtar tapsyrdy. Ofıserlerdiń daıyndyq deńgeıin baǵalaý kezinde, eń aldymen, tez ózgeretin jaǵdaıdaǵy bólimshelerdi basqarýdyń jańa ádisterin sapaly qoldanýǵa nazar aýdaryldy.