Almaty oblysy TJD qutqarýshylary Esik kólinen 50 týrısti evakýasııalady. Demalýshylar mingen avtobýs kóktaıǵaq saldarynan jol jıegine shyǵyp qalǵan, dep habarlaıdy Egemen.kz
Almaty oblystyq TJD baspasóz qyzmetiniń málimetinshe, 15 qarashada jolaýshylar avtobýsynyń biri Esik kóline baratyn jolda kóktaıǵaq saldarynan turyp qaldy.
Ol basqa kólikter men avtobýstardyń qozǵalysyna kedergi keltirgen. Jedel qabyldanǵan shara barysynda 50 sheteldik jáne jergilikti týrıst esik orman sharýashylyǵy ekologııalyq beketine jaıaý tústi.
Qutqarýshylar olardy úsh topqa bólip, ár topqa bir-bir ofıserden bekitilip, barlyǵy aman-esen qaýipsiz jerge jetkizildi. Ekopostan týrısterdi Eńbekshiqazaq aýdany ákimdigi daıyndaǵan avtobýstar kútip turdy. Olar Esik qalasynyń avtovokzalyna jetkizdi.