Ekologııa, geologııa jáne tabıǵı resýrstary Maǵzum Myrzaǵalıev BUU Damý baǵdarlamasynyń Qazaqstandaǵy turaqty ókili Iаkýp Berıshpen kezdesti. Taraptar 2021-2025 jyldarǵa arnalǵan Eldik baǵdarlamasy aıasyndaǵy basym baǵyttardy talqylady, dep habarlaıdy Egemen.kz
Maǵzum Myrzaǵalıev BUU Damý baǵdarlamasyna qoldaý kórsetkeni úshin alǵys bildirip, ekologııa jáne qorshaǵan ortany qorǵaý salasyndaǵy birlesken jumystyń mańyzdylyǵyn atap ótti.
"Biz Qazaqstan Respýblıkasynyń jańa Ekologııalyq kodeksin daıyndadyq. Onyń negizgi prısıpteriniń biri - «lastaýshy tóleıdi» dep atalady. Sodan keıin eń úzdik qoljetimdi tehnologııalardy engizý máselesi mańyzdy. Budan bólek Ekologııalyq kodeks ekologııalyq tólemderdi 100% qorshaǵan ortany qorǵaý sharalaryna jumsaýǵa múmkindik beredi. Jalpy alǵanda, elimizdiń ekologııalyq damý kórsetishterin jetildirýge baǵyttalǵan is-sharalar kesheni qabyldanýda. Osy baǵytta BUUDM-men birlesken jumys mańyzdy ról atqarady. 2021-2025 jyldarǵa arnalǵan Eldik baǵdarlama tıimdi nátıjelerge qol jetkizýge serpin beredi", dep atap ótti Maǵzum Myrzaǵalıev.
"BUU Damý baǵdarlamasy QR Ekologııa, geologııa jáne tabıǵı resýrstar mınıstrligimen qol jetkizgen áriptestik deńgeıin joǵary baǵalaıdy. Biz Qazaqstan Úkimetiniń basqa salanyń da damýyn jedeldetetin “jasyl” ekonomıkaǵa kóshýge kúsh salýyn qoldaımyz. Jańa Eldik baǵdarlamada biz “jasyl” ekonomıkany basym baǵyttardyń biri retinde qarastyramyz. Ol ekonomıkany dıversıfıkasııalaýǵa, jańa ınvestısııalar tartýǵa, jumys oryndary men jańa kásiporyndar qurýǵa yqpal etedi. Jasyl damý Qazaqstan úshin keleshekte ornyqty damý úshin sózsiz, jaqsy múmkindik beredi", dedi Iаkýp Berısh.
Kezdesý barysynda taraptar Qazaqstan Úkimetiniń bıoalýantúrlilikti saqtaý men ornyqty paıdalanýdyń 2030 jylǵa deıingi Tujyrymdamasy jobasyn bekitýin talqylady. Tujyrymdama tabıǵı ekojúıeni saqtaý men qalypqa keltirýdiń, strategııalyq qujatyna aınalady.
Budan bólek, Qazaqstanda “jasyl” tehnologııalardy engizý, klımattyń ózgerýine qatysty áreket etý, COVID-19 pandemııasynan keıingi ekologııalyq qalpyna keltirý strategııasyn júzege asyrý boıynsha áriptestik máselesi de talqylandy.
BUUDM-nyń Qazaqstandaǵy qyzmeti eldiń damýyndaǵy strategııalyq basymdyqtarǵa sáıkes keletin Eldik baǵdarlamamen retteledi.