Úkimettik emes uıymdar alǵysqa bólendi

Pandemııaǵa baılanysty onlaın formatta ótken azamattyq forýmǵa kez kelgen nıettiler qosylyp, óz pikir­lerin ashyq aıta aldy. Áleýmettik jeli­lerde úkimettik emes uıymdardyń báse­kege qabilettiligin arttyrý, «ha­lyq únine qulaq asatyn memleket» tu­jy­rym­damasyn damytý, qoǵam­dyq ba­qylaý júrgizý úshin azamattar­dyń durys sheshim qabyldaý syndy máse­le­ler boıynsha dıalog alańdary uıymdastyryldy.

Sondaı-aq óńirlerdegi jekelegen máseleler tóńireginde qalalar men aýdandarda da onlaın kezdesýler ótti. Pandemııaǵa qaramastan, osy ýaqytqa deıin azamattyq sektordyń jumysy toqtaǵan joq. Biraq zamanaýı formatta júrgizildi.

– Biz osy qysqa ýaqyt ishinde ózgeshe jumys isteýdi úırendik. Bir qyzyǵy, jumystyń dál osy túri tıimdirek bolyp shyqty. Belgilengen ýaqytta azamattardy tez jınaýdyń, forýmǵa qatysýǵa nıet bildirýshilerdiń barly­ǵyn qamtýdyń tıimdi joly osy – onlaın format eken túsindik. Basqa­syn aıtpaǵanda, oblys ortalyǵynan alys aýdandarda turatyndar at arytyp О́skemenge sabylmaıdy. Jol shyǵyndary da qysqardy, – deıdi «ShQO Azamattyq Alıansynyń» tóraǵasy Oleg Chernyshov.

Al «Trınta» qoǵamdyq qory­nyń jetekshisi Iýlııa Natarovanyń aıtýyn­sha, bizdiń oblysta úshinshi sektor usynylǵan dıalog alańdarynda belsendi jumys isteıdi. Bul sektor mańyzdy máselelerden habardar bolýǵa jáne sol taqyryp tóńireginde halyqpen tildesýge múmkindik beredi.

Bıyl oblysta jastar saıasaty, genderlik bilim berý, jergilikti ózin ózi basqarýdy damytý, múmkindigi shekteýli azamattardyń quqyqtary men múddelerin qorǵaý salasynda 81 joba iske asyryldy. Alaıda qazirgi ýaqytta birqatar qoǵamdyq uıymdardyń ókilderi memlekettik tapsyryssyz jumys isteý kerektigin alǵa tartady. Iаǵnı qosymsha ınvestısııa tartyp, áleýmettik kásipkerlikti damytý kerek dep esepteıdi.

– Memlekettik baǵdarlamalardy júzege asyrý úshin mıllıondaǵan qara­jat qajet emes. Biz kópbalaly ot­ba­sylarmen eki jyl jumys istep kelemiz. Bári oıdaǵydaı. Oblystyń, sondaı-aq qalalar men aýdandardyń áleý­met­tik qorǵaý organdarymen óz­ara tyǵyz jumys istesemiz, – deıdi kópbalaly ana, ári «Aqjúnis» erik­ti analar qoǵamdyq birlestigi fılıaly­nyń oblystaǵy jetekshisi Juldyz Aqtan­janova.

Al О́skemen qalasynyń qoǵamdyq keńesi jumys tobynyń tóraıymy Elena Abılova-Berezınskaıa keıbir úkimettik emes uıymdardyń jumysy memlekettik tapsyrysty oryndaýmen ǵana shekteletinin aıtady.

Sarapshylardyń pikirinshe, memleketten qoldaý kórsetilip jatqany tıimdi bolǵanymen, ony alý prınsıpi bas­qasha bolýy tıis. Úkimettik emes uıym músheleri óz qyzmetterin bıýd­jetten qarjylandyrýǵa yntaly emes, biraq atqarýshy bılik úkimettik emes uıym­dardyń qyzmetin kórip, ony qoldaýǵa ózderi sheshim qabyldaıtyn kórinedi.

Forým barysynda kóterilgen máse­lelerdi muqııat tyńdap otyrǵan oblys ákiminiń orynbasary Álisher Marhabat óńirdiń atqarýshy organdary men azamattyq qoǵam aldynda naqty mindetter júktedi.

– Jastardyń uıymdary men olardyń bastamalaryna árqashan qoldaý kórsetýimiz kerek. Jumyssyz­dardy jumyspen qamtý máselelerine de den qoıýǵa tıispiz. Jalpy jastardyń qoǵamda básekege qabilettiligin arttyrý mańyzdy, – dep atap ótti Álisher Marhabat.

Onlaın formatta ótken jıynnyń sońynda azamattyq qoǵam ınstıtýttaryn damytýǵa úles qosqandar alǵys hattarymen marapattalatyny belgili boldy. Olar álbette, jyl boıy marapatqa laıyq jumys atqardy.

Aıta keteıik, Shyǵys Qazaqstan oblysynyń ÚEU múmkindigi shekteýli adamdarmen jumys isteýde respýblıka kóleminde úzdikterdiń biri bolyp tanylǵan. Etnomádenı orta­lyq­tar, dinı uıymdar syndy áleý­met­tik mańyzy bar ınstıtýttar da azamattyq qoǵamnyń damýyna aıtar­lyqtaı úles qosyp keledi. Ásirese pandemııa kezinde qoǵamdyq jáne jastar uıymdary muqtaj jandarǵa kómek qoldaryn sozdy. Volonterlerdiń bastaryn qosyp, kóptegen qaıyrymdylyq sharalaryn ótkizdi.

Búgingi tańda aımaqta 1500-den astam kommersııalyq emes uıymdar men qoǵamdyq qorlar tirkelgen. Alaı­da olardyń 200-den astamy ǵana bel­sen­di. Oblys boıynsha 81 joba, ıaǵnı jas­tar saıasaty, genderlik bilim berý, jer­­gilikti ózin ózi basqarýdy damytý, aza­mat­tardyń quqyqtary men múd­delerin qorǵaý, qoǵamdyq kelisimdi nyǵaıtý salasynda júzege asyrylyp jatyr.

Shyǵys Qazaqstan oblysy