Shymkent qalasynyń ákimi Murat Áıtenov reseılik "Tehnonıkol" kompanııasynyń ókilderimen kezdesti. Murat Dúısenbekuly kezdesýde transulttyq kompanııanyń "Energııa únemdeıtin jylý oqshaýlaǵysh materıaldar shyǵaratyn zamanaýı zaýyt qurylysy" ınvestısııalyq jobasymen tanysty, dep habarlaıdy Egemen.kz.
Atalǵan ınvestısııalyq jobanyń somasy – 22,5 mıllıard teńge. Kompanııa ónimniń 20 %-yn Orta Azııa, Qytaı jáne Iran elderine eksporttaýdy josparlap otyr.
Technonikol – bul qurylys materıaldaryn óndirýmen aınalysatyn reseılik transulttyq kompanııa. Kompanııa naryqqa aldyńǵy qatarly eń jańa tehnologııalar boıynsha daıyndalǵan ónimderin usynady. Búginde kásiporynnyń álemniń 6 elinde (Reseı, Belarýssııa, Lıtva, Italııa, Ulybrıtanııa, Germanııa) 53 óndiris orny bar. Kompanııa ónimderi 95 elge jetkiziledi. Atap aıtqanda, reseılik kásipkerler bıtým-polımer materıaldary, mıneraldy maqta, kompozıttik plıtkalar jáne t.b., materıaldar óndirisimen aınalysady.
Shymkent