Túrkııada koronavırýstyń órshýine baılanysty komendanttyq saǵat jarııalandy, dep habarlaıdy Egemen.kz
Erejege sáıkes, elde tańǵy onnan keshki saǵat segizge deıin úıden shyǵýǵa ruqsat. 65 jastan úlken jáne 20 jastan kishilerge tysqa shyǵýyna shekteý qoıyldy.
Qoǵamdyq oryndar, saýda ortalyqtary, dúkender, shashtaraz ben sulýlyq mekenderi tek tańǵy 10-nan keshki 20:00-ge deıin jumys isteýi tıis. Meıramhana men dámhanalar tek tamaqty ózimen alyp ketý qyzmeti boıynsha ǵana jumys isteıdi.
Sondaı-aq oqýshylar men stýdentter jyl sońyna deıin qashyqtan oqytýǵa qaıta kóshti. Sporttyq jarystar jankúıersiz ótip, sporttyq keshenderdiń jumysy ýaqytsha toqtatyldy. Kınoteatrlar da jańa jylǵa deıin ashylmaıtyn boldy.
Al qaýipti indettiń eń kóp taraǵan jeri Ystambulda murajaılar men óner ortalyqtary belgisiz merzimge deıin jumysyn toqtatty. Resmı derekterge sáıkes, sońǵy táýlikte Túrkııada 3316 koronavırýs deregi tirkelgen.