Qazaqstannyń Turaqty ókili Venadaǵy BUU bólimshesiniń jáne BUU Esirtki jáne qylmys jónindegi basqarmasynyń basshysyna senim qujattaryn tapsyrdy, dep habarlaıdy Egemen.kz.
Qazaqstannyń Vena qalasyndaǵy halyqaralyq uıymdar janyndaǵy Turaqty ókili, Elshi Qaırat Omarov BUU Bas hatshysynyń orynbasary – BUU Venadaǵy bólimshesiniń Bas dırektory jáne BUU Esirtki jáne qylmys basqarmasynyń (BUU EQB) Atqarýshy dırektory Gada Valıge senim qujattaryn tapsyrdy.
Kezdesý barysynda G.Valı Qazaqstan men BUU EQB arasyndaǵy serpindi damyp jatqan yntymaqtastyqty rızashylyqpen atap ótip, memleketimizge Uıymnyń qyzmetine turaqty túrde qoldaý kórsetip jatqany úshin alǵys bildirdi.
О́z tarapynan, Elshi Qazaqstan BUU EQB-men, ásirese Esirtki, psıhotroptyq zattar men olardyń prekýrsorlarynyń zańsyz aınalymyna qarsy kúres jónindegi Ortalyq Azııalyq óńirlik aqparattyq úılestirý ortalyǵy (CARICC) jelisi boıynsha yntymaqtastyqty asa mańyzdy baǵyt retinde qarastyratynyn habarlady.