Pavlodar qalasynyń turǵyndary óńir basshysyna turǵyn úıdiń qaptamasyn qalpyna keltirý jáne atmosferalyq aýany baqylaýǵa arnalǵan shaǵyn stansııa ornatýǵa ruqsat berý týraly ótinishterin jetkizdi, dep habarlaıdy Egemen.kz Ravlodarnews.kz saıtyna silteme jasap.
Pavlodar oblysy ákimi baspasóz qyzmetiniń málimetinshe, beınekonferensııa baılanysy rejıminde ótken Pavlodar oblysy ákimimiń jeke qabyldaýyna Maıra kóshesindegi №1 úıdiń turǵyndary jazyldy. Olar kóp qabatty turǵyn úıdiń qaptamasyna qatysty máseleni kóterdi – qaptaý materıaly ǵımarattyń qabyrǵasynan kesek-kesek bolyp túsip jatyr. Pavlodarlyqtardyń aıtýynsha, bul úıdiń syrtqy túrin buzyp qana qoımaı, qysta páterlerdegi temperatýralyq rejımge de keri áser etedi. Ábilqaıyr Sqaqov qalalyq ákimdik ókilderine máseleni sheshýdi tapsyrdy.Pavlodar qalasynyń ákimi Erjan Imanslám atap ótkendeı, turǵyn úıdiń qasbetin kúrdeli jóndeýge bıýdjetten qarjy bólinedi. Burynǵy qaptaý materıaly - alıýkobond metall qaptamaǵa aýystyrylady dep josparlanyp otyr. Alaıda óńir basshysy jaǵdaıdyń qaıtalanýyna jol bermeý úshin aldymen materıaldyń sapasyn tekserip alýdy tapsyrdy. Pavlodar oblysynyń Jas ǵalymdar keńesiniń tóraıymy, «Toraıǵyrov ýnıversıteti» KEAQ professory Irına Chıdýnchı de oblys ákimimen onlaın rejımde áńgimelesti. Ol óńirdegi aýa sapasyn baqylaýdyń tyń ádisin usyndy. Ol úshin Irına Chıdýnchı mamandar atmosferalyq aýa sapasyn baqylaıtyn shaǵyn stansııalar oılap tapqanyn aıtyp, endi bul qurylǵylardy qalanyń birneshe jerine ornatýdy surady. Ekologtyń aıtýynsha, bul júıe aımaq aýasynyń qanshalyqty lastanǵanyn anyqtaıdy, ári osy aqparat bolashaqta qalany abattandyrý, kógaldandyrý jumystaryn laıyqty josparlaýǵa septigin tıgizedi. Atalǵan joba táýelsiz ekologtardyń oń baǵasyn aldy. Oǵan qosa qarjylandyrý máselesi de ishinara sheshilip qoıdy. Ábilqaıyr Sqaqov ekologqa paıdaly bastamasy úshin alǵys aıtyp, jobany 2021 jylǵa arnalǵan josparǵa engizýdi tapsyrdy.