Dzıýdodan Qazaqstan erler ulttyq qurama komandasynyń bas bapkeri aýysty, dep habarlaıdy Egemen.kz Olympic.kz saıtyna silteme jasap.
Búgin Qazaqstan dzıýdo federasııasynyń kezekten tys otyrysy ótti. Ulttyq federasııa basshysy Qaırat Qojamjarovtyń jetekshiligimen ótken jıynǵa Qazaqstan dzıýdo federasııasynyń vıse-prezıdeni, QR Mádenıet jáne sport vıse-mınıstri Sáken Musaıbekov, bas hatshysy Ashat Jıtkeev, dzıýdodan Qazaqstannyń memlekettik jattyqtyrýshysy Jandos Qonysbaev pen atqarýshy dırektory Samat Jylqybaev qatysty. Sondaı-aq, federasııanyń vıse-prezıdentteri Bostan Jańbyrbaev pen Eldos Ramazanov jıynǵa vıdeokonferensııa rejıminde qosyldy.
Jıyn barysynda Qazaqstan ulttyq erler komandasynyń jańa bas bapkeri taǵaıyndaldy. Atqarýshy komıtettiń biraýyzdan sheshimimen Qazaqstan ulttyq erler komandasynyń bas bapkeri bolyp dzıýdodan Qazaqstannyń eńbek sińgen jattyqtyrýshy, «Qurmet» ordeniniń ıegeri Ǵalymjan Jylgeldıev saılandy.
Aıta keterligi, quramanyń buryńǵy bapkeri Aıdyn Smaǵulov densaýlyǵyna baılanysty qyzmetin toqtatý týraly ótinish bildirdi. Ol Qazaqstan erler ulttyq quramasynyń bas bapkeri qyzmetine 2018 jyly kirisken bolatyn.