Dúnıejúzilik týrızm jáne saıahat jónindegi keńes (WTTC) Kazakh Tourism UK AQ-na #SafeTravels – qaýipsizdik pen gıgıenanyń joǵary standarttaryn qoldanatyn, sondaı-aq WTTC hattamalaryn saqtaýdy mindetteıtin saıahat baǵyttary, jol júrý, kólik, ornalastyrý jáne tamaqtandyrý oryndary boıynsha qaýipsizdik mórin qoıý quqyǵy belgisin tabystady. Bul týraly Mádenıet jáne sport mınıstrliginiń baspasóz qyzmeti habarlady.
Atalǵan hattamalarda týrıstik provaıderler men týrıster úshin COVID-19 kezindegi «ómirdiń jańa jaǵdaılarynda» densaýlyqqa, gıgıenaǵa, tereń tazartýǵa jáne fızıkalyq qashyqtyqqa jańa kózqaras týraly júıeli aqparat pen usynystar berilgen.
Dúnıejúzilik týrızm jáne saıahat keńesi (WTTC) jańa bedeldi Safe Travels qaýipsizdik jáne gıgıena marapatyn daıyndady, onyń ıeleri búkil álemdegi eń úlken demalys oryndary sanalady. Bul erekshelik belgisi týrısterge densaýlyq pen gıgıena boıynsha jahandyq standarttalǵan hattamalardy qabyldaǵan týrıstik baǵyttar men uıymdardy anyqtaýǵa múmkindik beredi. Aıta keteıik, Qazaqstan osy jahandyq jobany qoldaǵan Ortalyq Azııadaǵy alǵashqy memleket. Atalǵan is-shara qazirdiń ózinde álemniń 55 elinde júzege asyrylyp otyr.
Bul erekshelik belgisin alý arqyly týrıstik ındýstrııa ókilderi jáne týrıstik nysandar keletin týrısterdiń senimin qalpyna keltirý jáne áleýmettik jaýapkershilik qaǵıdattaryn saqtaý nıetin rastaıdy. Sondaı-aq atalǵan belgi ıelerine https://kazakhstan.travel/ ulttyq týrıstik portalynda marketıngtik ilgeriletý qamtamasyz etiledi. Bul tutastaı alǵanda otandyq týrıstik destınasııalardyń týrıstik áleýetin damytýǵa oń yqpalyn tıgizedi.
WTTC bastamasyna qosylý úshin týrıstik bıznes sýbektileri https://safe.kazakhstan.travel/ siltemesi boıynsha ótinish berýi kerek. Odan ári sanıtarlyq sáıkestik aktisin júktep, WTTC qaýipsizdik saıahattarynyń hattamalaryn saqtaýǵa kelisim berý kerektigin atap ótý qajet. Tekserý qorytyndysy boıynsha qatysýshy tizilimge engizilip, oǵan Safe Travels sáıkestik belgisi joldanady.