Sý basqan Jeńis, Jańaturmys, Dostyq aýyldarynyń turǵyndary qonystanǵan Maqtaaral aýdanynyń ortalyǵy Myrzakent kentindegi jańa móltek aýdanda áleýmettik nysandardyń qurylysy qysqy aýa-raıyna qaramastan qarqyndy júrgizilýde, dep habarlaıdy Egemen.kz.
Atap aıtqanda, zaman talabyna saı mektep, balabaqsha, dárigerlik ambýlatorııa jáne polısııa pýnktiniń qurylys jumystaryna júzdegen jumysshy tartylǵan.
1200 oryndyq bilim berý nysanyn turǵyzý úshin 1,8 mıllıard teńge jáne 280 oryndyq balabaqshanyń qurylysyn júrgizý úshin 692,1 mıllıon teńge qarjy qaralǵan. Qos nysannyń qurylysy 2021 jyly aıaqtalady dep kútilýde. Qazirgi tańda ekeýinde de qysh qalaý jumystary júrgizilýde.
1 aýysymda 25 adamdy qabyldaıtyn dárigerlik ambýlatorııanyń smetalyq quny 229,5 mıllıon teńge. Al polısııalyq pýnktiń smetalyq quny 30,3 mıllıon teńge. Nysandardy aǵymdaǵy jyldyń jeltoqsan aıynda tapsyrý josparlanǵan. Búgingi tańda eki nysanda da ishki jáne syrtqy árleý jumystary qarqyndy júrip jatyr.
Aıta keteıik, mamyr aıynda apat oryn alǵan О́rgebas jáne Ferdaýsı aýyldarynda da áleýmettik nysandar boı kóterýde.