Halyqqa COVID-19 týraly aqparat taratý maqsatynda maýsym aıynda qalalyq jedel medısınalyq járdem stansııasynyń bazasynda baılanys ortalyǵy uıymdastyryldy. Maýsym aıynan bastap, qazirgi ýaqytqa deıin baılanys ortalyǵynyń mamandary 6 981 adamǵa konsýltatıvti keńes bergen, dep habarlaıdy Egemen.kz.
Mundaı kómekti qalalyq emhanalardyń mamandary kórsetti.
"Qońyraýlardyń deni PTR testiniń quny men tapsyrý orny týraly boldy. Kóbinese aýrýdyń jeńil túrimen naýqastanǵan adamdar úıde qalaı emdelýge bolatyndyǵy, qandaı dárýmenderdi qoldaný kerek ekendigin suraǵan. Qaladan shyǵýǵa ruqsatty qalaı alýǵa bolatyndyǵy da qyzyqtyrdy",-deıdi Nur-Sultan QJMJS dıspetcherlik bóliminiń meńgerýshisi Bota Sádethan.
Pandemııa kezinde 8-10 maman konsýltatıvti kómek kórsetti, qazir 2-3 post jumys isteıdi. Eger jazda keńes berý boıynsha shaqyrýlar sany 100-150-ge jetse, qazirgi epıdemıologııalyq jaǵdaıdy eskere otyryp, bul kórsetkish kúnine 20-30-ǵa deıin tómendedi.
"Atalǵan ortalyqty qurý "103" jelisin jeńildetýge, sondaı-aq COVID-19 boıynsha qoljetimdi aqparat berýge múmkindik jasady. Kóptegen azamattar aýrý klınıkasy paıda bolǵan kezde qaıda barý kerektigin bilmedi. Baılanys ortalyǵy bul máselede kómekshi quralǵa aınaldy", - dep atap ótti QDSB basshysynyń orynbasary Álııa Rústemova.
Sondaı-aq, "103" bazasynda @ns103 chat-bot arqyly qońyraýlardy qabyldaý uıymdastyrylǵan. KVI juqtyrǵandar kóbeıgen kezde barlyǵy 2 200-ge jýyq ótinish qabyldandy, ortasha eseppen táýlik saıyn 90-ǵa jýyq ótinish óńdeldi.