Jyl sońyna deıin qurylysy uzaqqa sozylǵan úı̆ler tiziminen 30 turǵyn úı̆di alyp tastaýǵa bolady. Qalǵan qurylystardy 2023 jylǵa deı̆in kezeń-kezeńmen aıaqtaý josparlanǵan. Bul týraly Nur-Sultan qalasynyń ákimi Altaı Kólginov óziniń "Instagram" paraqshasynda jazdy, dep habarlaıdy Egemen.kz.
"О́tken jyldyń jazymen salystyrǵanda qurylysy uzaqqa sozylǵan úı̆lerdiń sany eki ese astam azaıady! Bıyl qurylysyn aıaqtap, taǵy jıyrma turǵyn úı̆diń qujattaryn resimdeýge kirisýdi josparlap otyrmyz. Bir jarym jyl ishinde (2019 jyldyń jazynan bastap) qurylysy uzaqqa sozylǵan úı̆lerdiń tiziminen 30 turǵyn úı̆di alyp tastaýǵa bolady.
20-dan astam problemalyq turǵyn úı̆ qalady. Olardyń qatarynda tek qazanshuńqyrlary turǵan úı̆ler, múldem irgetasy qalanbaǵandary bar. "Terrıtorııa komforta-1" turǵyn úı̆ kesheni 2004 jyldan beri apatty bolyp sanaldy. Úı̆di tehnıkalyq tekserý jumystary qurylys kezinde barlyq normalardyń buzylǵanyn, eger úı̆ paı̆dalanýǵa berilgen jaǵdaı̆da, onyń qulaı̆tynyn kórsetti. Qalǵan qurylystardy 2023 jylǵa deı̆in kezeń-kezeńmen aıaqtaýdy josparlap otyrmyz.
Eki kún boı̆y birqatar úleskerlermen jáne TQK tóraǵalarymen kezdestim. Olardyń qataryna Garant, Aı̆sanam De Lıýks, Baspana Kóktal, Arystan, Zere-1, Aqerke-2 (1 kezek), Jastar-4, Jasyl NS, Femıda, Altyn Shar, Shyǵys (1a, 1v), Jaǵalaý 3 (28,29,30 bloktar),Orbıta, Terrıtorııa komforta-2 jáne t. b. jatady.
Osy nysandardyń qurylysy egjeı̆ - tegjeı̆li talqylanyp, qandaı̆ qosymsha sharalar qabyldaý qajet ekeni sheshildi.
Qurylys qarqynyn arttyrý, qujattama boı̆ynsha kómek kórsetý jáne t.b. máseleler talqylandy. Qurylysy uzaqqa sozylǵan nysandardyń qurylysyn qaı̆ta bastaý — ońaı̆ emes. Qurylys salýshylar úleskerler aldyndaǵy, sondaı̆-aq satyp alýshylar aldyndaǵy barlyq jaýapkershilikti túsinýge tıis.
Áriptesterim men qurylysshylarǵa jumys qarqynyn kúsheı̆týdi, qajetti qurylys materıaldaryn satyp alýdy, ınjenerlik jeliler júrgizýdi jáne t. b. tapsyrdym", - dep jazdy Altaı Kólginov.