Qazaqstan Respýblıkasy Tuńǵysh Prezıdenti kúnine oraı oblysta birqatar áleýmettik nysandar ashyldy. Sonyń biri Jambyl aýdanyna qarasty Aısha bıbi aýyldyq okrýgindegi 120 oryndyq orta mektep. Bilim shańyraǵynyń qurylys jumysy ótken jyldyń naýryz aıynda bastalǵan.
Qazaqstan Respýblıkasy Tuńǵysh Prezıdenti kúnine oraı oblysta birqatar áleýmettik nysandar ashyldy. Sonyń biri Jambyl aýdanyna qarasty Aısha bıbi aýyldyq okrýgindegi 120 oryndyq orta mektep. Bilim shańyraǵynyń qurylys jumysy ótken jyldyń naýryz aıynda bastalǵan.
Sonymen qatar, Qordaı aýdanynyń Noǵaıbaı aýylynda 140 oryndyq balabaqsha sábılerge alǵash ret esik ashty. Atalǵan aýdannyń Bulan batyr aýylynyń turǵyndary da Prezıdent kúni qarsańynda qyzmet kórsete bastaǵan jańa medısınalyq ambýlatorııanyń jumysyna dán rıza.
Merki aýdanynyń Aqaral aýylyndaǵy ata-analar da qýanysh qushaǵynda. Bul aýylda qurylys jumysy ótken jyldyń tamyz aıynda bastalǵan 140 oryndyq balabaqsha paıdalanýǵa berildi. Al Shý aýdanynda birden 3 áleýmettik nysan iske kiristi. Olar Moıynqum, Balýan Sholaq aýyldaryndaǵy turǵyndarǵa zaman talabyna saı sapaly medısınalyq qyzmet kórsetetin jańa ambýlatorııalar men Birlikústem aýylyndaǵy «Juldyz» balabaqshasy.
Qysqasy, Jambyl jerinde bul kúnderi tartý kóp, shashý mol.
Kósemáli SÁTTIBAIULY,
«Egemen Qazaqstan».