Astanada Qazaqstan Respýblıkasynyń Tuńǵysh Prezıdenti kúnine arnalǵan «Qazaqstan temir joly» UK» AQ-tyń IV respýblıkalyq jastar forýmy óz jumysyn aıaqtady. Forým qorytyndysy boıynsha 6 jas temirjolshynyń qyzmeti ósti. 16-y kadrlar qoryna tirkeldi. Sonymen qatar, ınnovasııalyq joba jeńimpazdarynyń eńbegi qanatqaqty joba retinde óndiriske engiziledi. Baıqaýdyń barlyq nomınanttary planshettik kompıýterlerge ıe bolyp, «QTJ» UK» AQ-tyń qarjylyq qoldaýymen shetelde oqýǵa joldama aldy.
AQ-tyń IV respýblıkalyq jastar forýmy óz jumysyn aıaqtady. Forým qorytyndysy boıynsha 6 jas temirjolshynyń qyzmeti ósti. 16-y kadrlar qoryna tirkeldi. Sonymen qatar, ınnovasııalyq joba jeńimpazdarynyń eńbegi qanatqaqty joba retinde óndiriske engiziledi. Baıqaýdyń barlyq nomınanttary planshettik kompıýterlerge ıe bolyp, «QTJ» UK» AQ-tyń qarjylyq qoldaýymen shetelde oqýǵa joldama aldy.
– Memleket basshysy jastar máselesine, olardyń durys bilim alyp, oqyp-jetilýine zor kóńil bólip otyr. Soǵan sáıkes temirjol salasynda da jastardyń jan-jaqty damýyna barlyq múmkindikter jasalǵan, – dep atap ótti jas mamandar aldynda sóılegen sózinde «QTJ» UK» AQ prezıdenti Asqar Mamın.
– Men jastyq shaǵymda vagonda turdym. Ot jaqtym. Biraz qıyndyqty bastan keshtik. Qazirgi jastar ómirine súısine jáne qyzyǵa qaraımyn. Sebebi, sizderge barlyq jaǵdaı jasalyp otyr, – dedi aǵa urpaq atynan sóz alyp, tolǵana sóılegen temirjol salasynyń ardageri Ábı Sarqynshaqov.
Kompanııadaǵy qolǵa alynyp otyrǵan jastar jobalarynyń basqa salalar boıynsha ázirge balamasy joq ekendigin Ulttyq kompanııanyń personaldy basqarý jáne áleýmettik máseleler jónindegi vıse-prezıdenti Ashat Akchýrın atap ótti.
Qazirgi tańda temirjol salasyndaǵy eńbekkerlerdiń tórtten biri 30-ǵa deıingi jastar. Bul – kadr máselesi turǵysynan alǵanda zor resýrs kózi. Sondyqtan, QTJ-daǵy «Jastar» baǵdarlamasyna mol qarjy bólinip, onyń oryndalýy qatań qadaǵalanbaq.
2009-2013 jyldar aralyǵynda kompanııa jas mamandardyń oqýyna 175 bilim grantyn bóldi. 17 eńbekker QTJ-nyń «Magıstratýra» baǵdarlamasy boıynsha oqydy. 2012 jyly kolledjderdiń 223 stýdenti qazirgi zamanǵy dýaldyq oqý júıesi boıynsha QTJ-nyń kóliktegi tehnologııalar ortalyǵynda bilimin jetildirdi. QTJ kompanııalary tobyndaǵy basshylyq qyzmettegilerdiń 1143-i – jastar. Astanadaǵy lokomotıv qurastyrý zaýytyndaǵy eńbekkerlerdiń 50 paıyzyna jýyǵy, ıaǵnı 456-sy jas maman bolsa, elektrovoz qurastyrý zaýyty men «Tulpar-Talgo» JShS-indegi mamandardyń denin 30-dan aspaǵandar quraıdy. Jastarǵa qatysty tıisti qamqorlyq sharalary zańdy negizdegi dástúrli sıpatqa ıe bolyp otyr. Máselen, QTJ turǵyn úı qorynyń 25 paıyzy jastarǵa beriledi. Bıylǵy jyldyń ózinde 150 jas otbasy páter alý qýanyshyna ıe boldy.
El óńirlerinen Astanaǵa kelgen jas temirjolshylar apta boıy qyzyqty sharalardyń kýási boldy. Forým aıasynda «Jas kásibı maman» baıqaýy ótkizilip, ártúrli saladaǵy 23 mamandyq ıesi túrli marapattaýlarǵa ıe boldy. Tapqyrlar klýbynyń músheleri bolsa, óz óńirleriniń namysyn laıyqty qorǵaı bildi.
Bıylǵy jyly jastar forýmynyń «Menedjment jobasy» baǵdarlamasy boıynsha «QTJ» UK» AQ fılıaly – «Bas esepteý ortalyǵynyń» elektrondyq ınjeneri, «Ǵımaratty derbes jylytýdyń ekonomıkalyq tıimdiligi» jobasynyń avtory Jalǵas Sultanovtyń, «Janǵysh-janarmaı materıaldardyń qozǵalys esebin avtomattandyrý» jobasynyń avtory, «Lokomotıv» AQ janarmaı-jylý tehnıkalyq bóliminiń bas mamany Nurbolat Jumashtyń, Pavlodar elektrmen qamtý dıstansııasynyń elektromonteri Tımýr Baıandınniń túıisý symyndaǵy muz qatýdyń aldyn alý eńbegi joǵary baǵalanyp, jeńiske jetti.
«Bolashaq basqarýshylar» baǵdarlamasynyń jeńimpazdary bolyp Pavlodar jol bólimshesiniń lokomotıv dıspetcheri Álibek Kenjebekov men «Transtelekom» AQ fılıaly «Astanatelekom» AQ kommersııalyq dırektory Esengeldi Sársenov tanyldy.
Forým qatysýshylaryna «QTJ» UK» AQ prezıdenti men vıse-prezıdentteri baǵaly syılyqtardy tabys etti.
Forýmnyń jabylý saltanatynda «Jas temirjolshylar otbasy» sýret pen esse baıqaýynyń qorytyndysy shyǵaryldy. Aqmola jol bólimshesinen Bısalovtar otbasy, Aqtóbe magıstraldyq jeli bólimshesinen Qojanovtar otbasy, Oral jol bólimshesinen Músenovter otbasy jeńimpazdar dep tabylyp, Qazaqstan temirjolshylary kásipodaǵynyń tóraǵasy Orazǵalı Ahmetbaevtyń qolynan marapattar men syı-sııapattarǵa ıe boldy.
Jastar atynan sóz arnaǵan «Transtelekom» AQ-tyń tehnıkalyq qujattandyrý ınjeneri Dınara Tólegen Qazaqstan Prezıdentiniń temirjolshy jastar aldyna qoıǵan tapsyrmalaryn tyńǵylyqty atqaratyndyǵyna, oǵan jastardyń bilimi men qýaty, qajyr-qaıraty jetetindigine QTJ basshylyǵyn sendirdi.
2012 jyly Qazaqstandaǵy temirjolshylar otbasynda on myńnan astam bala dúnıege keldi. Bul fakt temirjolshylar qaýymynyń bolashaqqa seniminiń joǵary ekendigin ańǵartady.
Suńǵat ÁLIPBAI,
«Egemen Qazaqstan».