Túrkistan oblysy Túlkibas aýdany, Sastóbe kentinde ornalasqan emhana 7 myńnan astam halyqqa qyzmet kórsetedi. Jarty ǵasyr buryn qabyrǵasy qalanǵan ǵımarattyń ábden tozyǵy jetken, dep habarlaıdy Egemen.kz.
Apatty dep tanylǵan dárigerlik ambýlatorııada bolǵan oblys ákimi О́mirzaq Shókeevtiń jumys sapary barysynda keler jyly jańa emhana salynatyny málim boldy. Jańadan boı kóteretin dárigerlik ambýlatorııa zamanaýı úlgide jasaqtalyp, bir aýysymda 75 kelýshige arnalady. Medısına uıymdarynyń jaı-kúıimen tanysqan oblys ákimi Túlkibas aýdandyq ortalyq aýrýhanasynda júrgizilip jatqan kúrdeli jóndeý jumystarymen tanysty. Aýrýhanaǵa qarasty 5 ǵımaratta kúrdeli jóndeý jumystary qolǵa alynǵan. Jóndeý jalǵasýda. О́mirzaq Estaıuly kúrdeli jóndeýden ótken aýrýhanadaǵy qurylys sapasyna oń baǵasyn berip, jumysty qatań baqylaýda ustaýdy mindettedi.
Ortalyq aýrýhanada 100 myńǵa jýyq halyqqa ambýlatorııalyq – emhanalyq, stasıonarlyq, stasıonardy almastyratyn kómek jáne konsýltatıvti – dıagnostıkalyq qyzmet túrleri kórsetiledi. Onda myńnan astam medısına qyzmetkeri qyzmet etedi.