Batys Qazaqstan oblysynyń Oral qalasyndaǵy «Kroýn-Batys» jaýapkershiligi shekteýli seriktestiginiń dırektory jaýapqa tartyldy. Bul týraly «Moı gorod» portaly habarlady.
Keshe qalalyq sotta sýdıa Maǵıra Qıtarova Evgenıı Alıevti Qylmystyq kodekstiń 177-baby, 3-tarmaǵynda qarastyrylǵan «iri kólemdegi alaıaqtyq» jasady dep aıyptap, múlkin tárkileı otyryp, úsh jylǵa bas bostandyǵynan aıyrýǵa úkim shyǵardy. Ol jazasyn jalpy rejimdegi kolonııada óteıtin bolady. Al Zelenov aýdany kásipkerlik jáne aýyl sharýashylyǵy bóliminiń burynǵy bastyǵy Nurlan Aqaev «saldyr-salaqtyǵy» úshin aıyptalyp, 1 jylǵa bas bostandyǵy shekteldi. Alaıda, ol raqymshylyqqa ilinip, jaýapkershilikten bosatyldy.
Qylmystyq iste kórsetilgendeı, 2011 jyly «Kroýn-Batys» jaýapkershiligi shekteýli seriktestigi sıyr etin daıyndaýshylar úshin beriletin arzandatylǵan baǵadaǵy qurama jemge sýbsıdııa alatyndar tizimine engizilgen. Osynyń negizinde seriktestik daıyndaǵan ár kılo et úshin memlekettik bıýdjetten 220 teńge aqsha bólinipti. Qomaqty qarjyny ıelenip qalý maqsatymen E. Alıev Zelenov aýdanyndaǵy kásipkerlik jáne aýylsharýashylyǵy bólimine óndirilgen et jóninde jalǵan málimet usynǵan. Osy bólimdi kezinde basqarǵan N. Aqaev qujattardyń talapqa saı emestigin bile tura, seriktesti sýbsıdııa alatyndar tizimine engizip jiberipti. Sonyń saldarynan E. Alıev basqaratyn seriktestikke 13 mln. 828 myń teńge tólengen. Osy somany sýdıa seriktestik basshysyna memleketke keri qaıtarýǵa mindettedi
Úkim áli zańdy kúshine engen joq.
Baqytbek Keneshuly.
Derekkóz: «Moı gorod»